ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :33
› ມື້ວານນີ້ :44
› ອາທິດນີ້ :110
› ເດືອນນີ້ :870

ຈຳນວນຜູ້ເຂົ້າເບີ່ງ : 528860
ເວບໄຊທ໌ເປີດມາໄດ້ 2057 ວັນ
257 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ກອງປະຊຸມສໍາມະນາວິຊາການ ດ້ານຄວາມປອດໄພ ທາງໄຊເບີ (Cyber Security Workshop)Share to Facebook ພິມ

        ໃນຕອນເຊົ້າຂອງວັນທີ 03 ກັນຍາ 2018, ທີ່ໂຮງແຮມຄຣາວພຣາຊ່າ, ນະຄອນຫຼວງວຽງຈັນ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ, ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ສະມາຄົມເຈົ້າໜ້າທີ່ຂໍ້ມູນຂ່າວສານ ອາຊຽນ (ASEAN CIO Association ຫຼື ACIOA) ໄດ້ຈັດກອງປະຊຸມສໍາມະນາວິຊາການຂື້ນໄລຍະສອງວັນ ພາຍໃຕ້ຫົວຂໍ້: “ຄວາມປອດໄພທາງໄຊເບີ (Cyber Security Workshop)” ຊຶ່ງໃຫ້ກຽດເປັນປະທານໂດຍ ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ກະຊວງໄປສະນີໂທລະຄົມມະນາຄົມ ແລະ ການສື່ສານ, ຊຶ່ງມີວິຊາການຈາກ ກະຊວງ ປທສ ແລະ ກະຊວງອ້ອມຂ້າງ ເຂົ້າຮ່ວມລວມທັງໝົດ 50 ທ່ານ.

        ໃນງານພິທີດັ່ງກ່າວ ປະທານກອງປະຊຸມໄດ້ກ່າວວ່າ: “ປັດຈຸບັນນີ້, ເຕັກໂນໂລຊີການສື່ສານຂໍ້ມູນ-ຂ່າວສານ ຫຼື ໄອຊີທີ ໄດ້ມີການພັດທະນາແບບກ້າວກະໂດດ ແລະ ເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະກິດ-ສັງຄົມຂອງຊາດ. ສະນັ້ນ, ຄຽງຄູ່ກັບການລົງທຶນໃນໂຄງລ່າງພື້ນຖານເຕັກນິກທັນສະໄໝນັ້ນ ພວກເຮົາຈຶ່ງຍິ່ງມີຄວາມຈຳເປັນ ໃນການກໍ່ສ້າງວິຊາການຜູ້ຊ່ຽວຊານໄອຊີທີ ໃຫ້ມີທັກສະຄວາມຮູ້-ຄວາມສາມາດ ດ້ວຍປະລິມານທີ່ເໝາະສົມ ໃນນີ້ລວມທັງຂະແໜງການດ້ານຄວາມປອດໄພທາງໄຊເບີໃຫ້ຫຼາຍຂຶ້ນ, ລັດຖະບານ ກໍຄື ກະຊວງ ປທສ ເລັງເຫັນເຖິງຄວາມຈຳເປັນ ແລະ ຄວາມສຳຄັນດັ່ງກ່າວ ຈຶ່ງໄດ້ກຳນົດຫົວຂໍ້: ຄວາມປອດໄພຂໍ້ມູນຂ່າວສານ ເປັນຫນຶ່ງໃນ ເຈັດ ຍຸດທະສາດ ພາຍໃນໄລຍະ 10 ປີ ຮອດ 2025 ກໍຄື ແຜນພັດທະນາ 5 ປີຄັ້ງທີ 2 ຮອດ 2020 ຂອງຕົນ. ຜ່ານມາທາງກະຊວງໄດ້ສ້າງ ແລະ ປັບປຸງບັນດານິຕິກຳທີ່ກ່ຽວຂ້ອງ ເຊັ່ນ ກົດຫມາຍວ່າດ້ວຍ ການຕ້ານ ແລະ ສະກັດກັ້ນອາຊະຍາກຳທາງລະບົບຄອມພີວເຕີ, ກົດໝາຍວ່າດ້ວຍ ການປົກປ້ອງຂໍ້ມູນທາງເອກເລັກໂຕຣນິກ. ພ້ອມກັນນັ້ນ, ກໍ່ຍັງໄດ້ສ້າງປັບປຸງ ແລະ ຂະຫຍາຍໂຄງລ່າງພື້ນຖານເຕັກນິກ ເຊັ່ນ ສູນລາວເຊີດ ກໍຄື ການພັດທະນາບຸກຄະລະກອນດ້ານນີ້ ໃນຫລາຍຮູບແບບຢ່າງເປັນປະຈຳ ເປັນຕົ້ນ ແມ່ນການປູກຈິດສໍານຶກດ້ານຄວາມປອດໄພ, ການທົບທວນຄືນເຄືອຂ່າຍການຄຸ້ມຄອງຄວາມປອດໄພ, ການຊອກຫາຊ່ອງທາງຂອງມາດຕະການປົກປ້ອງຂໍ້ມູນ-ຂ່າວສານ, ຄວາມອາດສາມາດໃນການຮັບມືກັບເຫດສຸກເສີນ, ພິຈາລະນາດ້ານນິຕິກຳ ແລະ ເຕັກນິກການສືບສວນສອບສວນ ແລະ ການວາງແນວທາງດ້ານຄວາມປອດໄພໃນຕໍ່ໜ້າ”.

        ການຈັດສໍາມະນາວິຊາການຄັ້ງນີ້ ມີຈຸດປະສົງເພື່ອສ້າງຄວາມຮູ້ຄວາມເຂົ້າໃຈ ກ່ຽວກັບຄວາມປອດໄພໃນການນໍາໃຊ້ອິນເຕີເນັດ ແລະ ການແນະນໍາເຕັກໂນໂລຊີທາງດ້ານຄວາມປອດໄພ ລວມທັງບັນດາຕົວຢ່າງເຫດການ ແລະ ວິທີການຮັບມືກັບການຕ້ານ ແລະ ສະກັດກັ້ນເຫດການສຸກເສີນໃນໂລກອອນລາຍ(Cyberspace). ພ້ອມນີ້, ນັກສໍາມະນາກອນ ຍັງສາມາດນໍາຄວາມຮູ້ທີ່ໄດ້ຮັບຈາກການເຂົ້າຮ່ວມງານສຳມະນາໃນຄັ້ງນີ້ ໄປຜັນຂະຫຍາຍເປັນວົງກວ້າງ ເພື່ອວາງແຜນການຮັບມືເຫດການສຸກເສີນ ແລະ ຍັງສາມາດຈັດກິດຈະກຳຕ່າງໆ ໃນການປົກປ້ອງຂໍ້ມູນຂ່າວສານ ແລະ ຄວາມປອດໄພທາງໄຊເບີຂອງບຸກຄົນ ແລະ ອົງກອນ ຕື່ມອີກດ້ວຍ.