ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :4
› ມື້ວານນີ້ :49
› ອາທິດນີ້ :82
› ເດືອນນີ້ :826

ຈຳນວນຜູ້ເຂົ້າເບີ່ງ : 559711
ເວບໄຊທ໌ເປີດມາໄດ້ 2120 ວັນ
264 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ສູນລາວເຊີດ ຈັດກອງປະຊຸມສໍາມະນາ ວິຊາການດ້ານໄພຄຸກຄາມທາງໄຊເບີShare to Facebook ພິມ

         

          ໃນຕອນເຊົ້າຂອງວັນທີ 10 ທັນວາ 2018, ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ(ປທສ) ຮ່ວມກັບ ບໍລິສັດ ພລັອດຄູລິດ ເທັກໂນໂລຊີ, ປະເທດ ສິງກະໂປ ໄດ້ຈັດກອງປະຊຸມ ສໍາມະນາວິຊາການຂື້ນໄລຍະເຄີ່ງວັນ ພາຍໃຕ້ຫົວຂໍ້: “ໄພຄຸກຄາມ ທາງໄຊເບີ ແລະ ການຕິດຕາມກວດກາຄວາມປອດໄພທາງໄຊເບີ (The Seminar on Cyber Security Threat Intelligence and Cyber Security Monitoring service)” ຊຶ່ງໃຫ້ກຽດເປັນ ປະທານໂດຍ ທ່ານ ສຸດສາຄອນ ພົມມະຈັນ, ຮອງຫົວໜ້າ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ໂດຍມີນັກສໍາມະນາກອນຂັ້ນວິຊາການຈາກ ບັນດາກົມອ້ອມຂ້າງ ກະຊວງ ປທສ ເຂົ້າຮ່ວມທັງໝົດ 35 ທ່ານ.

          ໃນງານພິທີເປີດກອງປະຊຸມສໍາມະນາດັ່ງກ່າວ ປະທານໄດ້ໃຫ້ຄໍາເຫັນວ່າ: “ປັດຈຸບັນນີ້, ເຕັກໂນໂລຊີການສື່ສານຂໍ້ມູນ-ຂ່າວສານ ຫຼື ໄອຊີທີ ໄດ້ມີການພັດທະນາແບບກ້າວກະໂດດ ແລະ ເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະກິດ-ສັງຄົມຂອງຊາດ. ສະ​ນັ້ນ, ຄຽງຄູ່ກັບການລົງທຶນໃນໂຄງລ່າງພື້ນຖານດ້ານເຕັກໂນໂລຊີທີ່ມີຄວາມທັນສະໄໝພວກ​ເຮົາ​​ຍິ່ງມີ​ຄວາມ​ຈຳ​ເປັນຕ້ອງໄດ້ກໍ່ສ້າງ ພະນັກງານວິຊາການຜູ້ຊ່ຽວຊານດ້ານໄອຊີທີ ໃຫ້ມີທັກ​ສະຄວາມຮູ້-ຄວາມສາມາດດ້ານການຮັກສາຄວາມປອດໄພທາງໄຊເບີ ໃຫ້ມີທັກສະ ທຽບເທົ່າສາກົນ. ຕໍ່ກັບປັນຫາໄພຄຸກຄາມທາງໄຊເບີ ແລະ ການຕິດຕາມກວດກາຄວາມປອດໄພທາງໄຊເບີ, ລັດຖະບານ ກໍຄື ກະຊວງ ປທສ ກໍ່ເລັງເຫັນເຖິງຄວາມຈຳເປັນ ແລະ ຄວາມສຳຄັນດັ່ງກ່າວ ຈຶ່ງໄດ້ກຳນົດການຮັກສາວຽກງານຄວາມປອດໄພຂໍ້ມູນຂ່າວສານ ໃຫ້ເປັນຫນຶ່ງໃນ ເຈັດ ຍຸດທະສາດພາຍໃນໄລຍະ 10 ປີ ຮອດ 2025 ກໍຄື ແຜນພັດທະນາ 5 ປີຄັ້ງທີ 2 ຮອດ 2020 ຂອງຕົນ. ພ້ອມກັນນັ້ນ, ກໍ່ເພື່ອເປັນ ການປູກຈິດສໍານຶກດ້ານວຽກງານຮັກສາຄວາມປອດໄພ, ໃຫ້ພະນັກງານວິຊາການ ກະຊວງ ປທສ ໃຫ້ສາມາດກຸ້ມຕົນເອງທາງດ້ານການ ຮັກສາຄວາມປອດໄພໃນກົມກອງຂອງຕົນເອງ.