ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :6
› ມື້ວານນີ້ :63
› ອາທິດນີ້ :124
› ເດືອນນີ້ :485

ຈຳນວນຜູ້ເຂົ້າເບີ່ງ : 756000
ເວບໄຊທ໌ເປີດມາໄດ້ 2442 ວັນ
309 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

HTTP ແລະ HTTPS ແມ່ນຫຍັງ ແລະ ແຕກຕ່າງກັນແນວໃດ?Share to Facebook ພິມ

HTTP ແລະ HTTPS ແມ່ນ​ຫຍັງ ແລະ ແຕກ​ຕ່າງ​ກັນ​ແນວໃດ?

ຄວາມ​ປອດ​ໄພ​ເທິງ​ໂລກອອນ​ລາຍ​ເປັນ​ເລື່ອງ​ທີ່​ຜູ້​ໃຊ້​ງານ​ໃຫ້​ຄວາມ​ສຳຄັນຫຼາຍ ໂດຍ​ສະເພາະ​ກັບ​ຂໍ້​ມູນ​ສ່ວນ​ຕົວ ແລະ​ ຂໍ້​ມູນ​ດ້ານ​ການ​ຊຳ​ລະ​ເງິນ ຊຶ່ງ HTTP ແລະ HTTPS ເປັນ​ຕົວ​ປ່ຽນສຳຄັນ​ຢ່າງ​ໜຶ່ງ​ດ້ານ​ຄວາມ​ປອດ​ໄພ.

          ຜູ້​ທີ່​ໃຊ້​ບໍລິການ​ອິນເຕີເນັດ​ອາດຈະ​ເຄີຍພົບ​ກັບ​ບັນຫາ​ດ້ານ​ຄວາມ​ປອດໄ​ພແມ່ນບໍ? ບາງ​ເວັບ​ໄຊ​ເປີດຂຶ້ນມາ​ຈະພົບ​ກັບ​​ໜ້າ​ຈໍ​ທີ່​ມີ​ເສັ້ນ​ສີ​ແດງ​ພ້ອມການ​ແຈ້ງ​ເຕືອນ “ເວັບ​ໄຊ​​ນີ້​ບໍ່​ສາມາດ​ໃຫ້​ການ​ເຊື່ອມ​ຕໍ່​ທີ່​ປອດໄ​ພ” ຫຼື ​ຂໍ້ຄວາມ​ອື່ນ​ໆ ທີ່​ບໍ່​ສາມາດ​ເຮັດໃຫ້​ເຂົ້າ​ເຖິງ​ເວັບ​ໄຊ​​ໄດ້ ຫຼື ​ບາງ​ເວັບ​ໄຊໃນ​ແຖບ URL ຈະ​ພົບ​ຂໍ້ຄວາມ Not Secure ຫຼື​ ບໍ່​ປອດໄ​ພ​ ຊຶ່ງເຮັດໃຫ້​ບັນດາ​ຜູ້​ໃຊ້​ງານເກີດມີຄວາມກັງວົນ.

          ສັງເກດ​ເຫັນໄດ້​ວ່າ​ເວັບ​ໄຊ​​ທີ່​ບໍ່​ປອດໄ​ພ​ຈະ​ຂຶ້ນ​ຕົ້ນ​ດ້ວຍ HTTP ເທົ່ານັ້ນ​ ສ່ວນ​ເວັບ​ໄຊ​ທີ່​ປອດໄ​ພ​ຈະ​ເປັນ​ການ​ໃຊ້​ງານ HTTPS, ສາ​ເຫດ ແມ່ນ​ມາ​ຈາກ​ລະບົບ​ຄວາມ​ປອດ​ໄພ​ຂອງ​ເວັບ​ໄຊ​​ຕ່າງໆ ຊຶ່ງ​ທັງ​ສອງ​ຢ່າງ​ນີ້​ ມີຄວາມແຕກຕ່າງ​ກັນ ​ດັ່ງລຸ່ມນີ້

          HTTP (Hypertext Transport Protocol) ເປັນ​ໂປຣໂຕ​ຄອນ​ສຳລັບການ​ສື່​ສານ ​ຈະ​ໃຊ້​ເມື່ອ​ເປີດ​ໂປຣ​ແກຣມ​ເທິງ​ບ​ຣາ​ວ​​ເຊີ ເຊັ່ນ: Chrome, Firefox, Internet Explorer ເພື່ອ​ເປີດ​ເບິ່ງ​ຂໍ້​ມູນ​ ຫຼື ​ເວັບ​ໄຊຕ່າງໆ ບ​ຣາ​ວ​​ເຊີ​ຈະ​ໃຊ້ HTTP ເປັນ​ຕົວ​ຮຽກ​ໃຫ້​ເ​ຊີ​​ເວີສົ່ງ​ຂໍ້​ມູນ​ມາ​ໃຫ້​ເພື່ອ​ສະແດງ​ຜົ​ນ​ເທິງໜ້າ​ຈໍ​ໄດ້​ຢ່າງ​ຖືກ​ຕ້ອງ ໂດຍ​ເປັນ​ການ​ສົ່ງ​ຂໍ້​ມູນ​ແບບ Clear text ບໍ່​ໄດ້​ມີການ​ເຂົ້າ​ລະ​ຫັດ ເຮັດໃຫ້​ສາມາດ​ຖືກ​ດັກ​ຈັບ​ ແລະ​ ອ່ານ​ຂໍ້​ມູນ​ໄດ້​ງ່າຍ.

        HTTPS (Hypertext Transfer Protocol over Secure Socket Layer ຫຼື Http over SSL) ຄື​ການ​ເພີ່ມ S ຫຼື Secure ເຂົ້າ​ມາ ເພື່ອ​ເພີ່ມ​ຄວາມ​ປອດໄ​ພໃຫ້​ຫຼາຍ​ຂຶ້ນ ໂດຍ HTTPS ຈະ​ເປັນ ໂປຣໂຕ​ຄອນ​​ທີ່​ມີການເຂົ້າ​ລະຫັດ​ໃນ​ການ​ສື່​ສານ ໂດຍ​ໃຊ້ Asymmetric Algorithm ຊຶ່ງ​ຫາກ​ມີ​ການ​ດັກ​ຈັບ​ຂໍ້​ມູນ​ກໍ່​ບໍ່ສາມາດອ່ານ​ໄດ້ ເຊັ່ນ​ ເຮົາ​ໃສ່​ລະ​ຫັດ 12345678 ອັນ​ກໍ​ຣີ​ທຶມ​ຈະ​ປ່ຽນ​ເປັນ XsR7o/86 ​ເຮັດໃຫ້​ຜູ້​ບໍ່​ຫວັງ​ດີ​ບໍ່ສາມາດເຂົ້າ​ເຖິງ​ຂໍ້​ມູນ​ຂອງ​ເຮົາ​​ໄດ້​ ຊຶ່ງ​ຜູ້​ທີ່​ຈະສາມາດ​ອ່ານ​ຂໍ້​ມູນ​ໄດ້​ນັ້ນ​ຈະ​ມີ​ພຽງ​ຜູ້​ສົ່ງ ​ແລະ ​ຜູ້​ຮັບ​ປາຍ​ທາງ​ເທົ່າ​ນັ້ນ ເຮັດໃຫ້​ນິຍົມ​ໃຊ້​ກັບ​ເວັບ​ໄຊ​​ທີ່​ຕ້ອງ​ການ​ຄວາມ​ປອດໄ​ພ​ສູງ​ເຊັ່ນ: ​ທະ​ນາ​ຄານ, ເວັບ​ທີ່​ໃຊ້​ບັດ​ເຄຣ​ດິດ, ລວມເຖິງ​ຮ້ານ​ຄ້າ​ອອນ​ລາຍ.

          ​ປັດຈຸບັນ​ ຜູ້​ປະກອບ​ການ​ເລີ່ມ​ນິຍົມ​ຕິດ​ຕັ້ງ​ໃບ​ຮັບຮອງ​ຄວາມ​ປອດ​ໄພ SSL Certificate ໃຫ້​ກັບ​ເວັບ​ໄຊຫຼາຍ​ຂຶ້ນ ຊຶ່ງ​ຂໍ້​ດີ​ຂອງ HTTPS ມີ​ດັ່ງ​ນີ້:

  1. ເພີ່ມ​ຄວາມ​ປອດໄ​ພ​ໃຫ້​ຜູ້​ໃຊ້​ງານ
  2. ສ້າງ​ຄວາມ​ໜ້າ​ເຊື່ອ​ຖື​ໃຫ້​ກັບ​ເວັບ​ໄຊ​ ​ແລະ ​ທຸລະກິດ
  3. ຄະ​ແນນ​ອັນ​ດັບ SEO(Search Engine Optimization) ດີ​ຂຶ້ນ
  4. ມີຄຸນສົມບັດຂອງ html ຫຼາຍກ່ວາການໃຊ້ HTTP
  5. ປ້ອງ​ກັນ​ການ​ຖືກ​ໂຈມ​ຕີ​ຈາກ​ຜູ້​ບໍ່​ຫວັງ​ດີ

ເອກະສານອ້າງອີງ:

  1. https://www.instantssl.com/ssl-certificate-products/https.html
  2. https://www.dharmniti.co.th/https/