ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :21
› ມື້ວານນີ້ :63
› ອາທິດນີ້ :139
› ເດືອນນີ້ :500

ຈຳນວນຜູ້ເຂົ້າເບີ່ງ : 756165
ເວບໄຊທ໌ເປີດມາໄດ້ 2442 ວັນ
309 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ການແຂ່ງຂັນ ການໂຈມຕີ ແລະ ຮັບມືໄພຄຸກຄາມທາງໄຊເບີShare to Facebook ພິມ

ວັນທີ 05 ພະຈິກ 2019, ທີ່ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ຈັດການແຂ່ງຂັນ ໃນຫົວຂໍ້: (ການໂຈມຕີ ແລະ ຮັບມືໄພຄຸກຄາມທາງໄຊເບີ) ໃຫ້ກັບນັກສຶກສາລະດັບມະຫາວິທະຍາໄລ ຜູ້ທີ່ມີຄວາມຮູ້ພື້ນຖານດ້ານຄວາມປອດໄພທາງລະບົບຄອມພິວເຕີ ແລະ ມີທັກສະໃນການວິເຄາະບັນຫາທີ່ເກີດຂຶ້ນດ້ານຄວາມປອດໄພທາງໄຊເບີ ມາຈາກໂຮງຮຽນ ວິທະຍາໄລເຄດ, ສຸດສະກາ, ຄະນະວິສະວະກໍາສາດ (ຄວສ), ມະຫາວິທະຍາໄລ ແຫ່ງຊາດ, ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ແລະ ບໍລິສັດ ໄອທີພັດທະນາລາວ, ຢູ່ພາຍໃນນະຄອນຫຼວງວຽງຈັນ, ມີຜູ້ເຂົ້າແຂ່ງຂັນ ທັງໝົດ 16 ຄົນ. ການແຂ່ງຂັນແມ່ນດໍາເນີນໄປເປັນເວລາ 04 ຊົ່ວໂມງ, ຮູບແບບແຂ່ງຂັນແມ່ນການໂຈມຕີ ແລະ ການປ້ອງກັນ Capture The Flag (CTF), ທີ່ໄດ້ຈັດສັນບັນດາຄໍາຖາມໃຫ້ຢູ່ໃນລະບົບເຊີເວີ (Server).

ຜົນການແຂ່ງຜູ້ທີ່ໄດ້ຄະແນນສູງສຸດ ອັບດັບທີ 01 ທ້າວ ແສງໄຊ ໄຊຍະຈັກ ຈາກບໍລິສັດໄອທີພັດທະນາ, ອັນດັບທີ 02 ທ້າວ ສິໄລສັກ ວໍລະຈັກ ມາຈາກໂຮງຮຽນ ຄວສ  ແລະ ອັນດັບທີ 03 ທ້າວ ໂຢດສະວາງ ສໍລັງກຸນ ມາຈາກໂຮງຮຽນ ຄວສ.

ຈໍານວນ 03 ຄົນນີ້ ແມ່ນເປັນຕົວແທນນັກສຶກສາ ຈາກ ສປປ ລາວ ໄປເຂົ້າຮ່ວມແຂ່ງຂັນ Cyber SEA Game 2019 ລະດັບອາຊຽນ ໃນທ້າຍເດືອນ ພະຈິກ 2019, ທີ່ ປະເທດ ໄທ, ຖ້າຜູ້ເຂົ້າແຂ່ງຂັນ ສາມາດຍາດຄະແນນໄດ້ດີ ຫຼື ໄດ້ອັນດັບ 01 ອາຊຽນ ກໍ່ຈະໄດ້ເປັນຕົວແທນຂອງ ອາຊຽນ ໄປແຂ່ງຂັນ SECCON ໃນລະດັບສາກົນ Global ທີ່ ປະເທດ ຍີ່ປຸ່ນ ຕໍ່ໄປ.