ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :7
› ມື້ວານນີ້ :47
› ອາທິດນີ້ :215
› ເດືອນນີ້ :1500

ຈຳນວນຜູ້ເຂົ້າເບີ່ງ : 982243
ເວບໄຊທ໌ເປີດມາໄດ້ 2766 ວັນ
355 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ກອງປະຊຸມສຳມະນາ ສັບປະດາສາກົນດ້ານໄຊເບີຂອງກະຊວງສີງກະໂປ (SICW)Share to Facebook ພິມ

ກະຊວງ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ເຂົ້າ​ຮ່ວມກອງປະຊຸມສຳມະນາ ສັບປະດາສາກົນດ້ານໄຊເບີຂອງກະ​ຊວງສີງກະໂປ (SICW) ຄັ້ງທີ 5 ແລະ ກອງປະຊຸມສຳມະນາ ລັດຖະມົນຕີອາຊຽນດ້ານ​ຄວາມ​ປອດ​ໄພ​ໄຊ​ເບີ (AMCC) ຄັ້ງທີ 5, ໃນວັນທີ 06-07 ຕຸລາ 2020.

Article Images: image_2020-10-09_1.jpeg

ໃນວັນທີ 06-07 ຕຸລາ 2020, ຕ່າງໜ້າ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ), ໂດຍ ທ່ານ ຄຳຫຼ້າ ສຸນນະລັດ ຫົວໜ້າສູນສະກັດ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ນຳພາຄະນະເຂົ້າຮ່ວມກອງປະຊຸມສຳມະນາ ສັບປະດາສາກົນດ້ານໄຊເບີຂອງ ສີງກະໂປ (SICW) ຄັ້ງ​ທີ 5 ແລະ ກອງປະຊຸມສຳມະນາ ລັດຖະມົນຕີອາຊຽນ ດ້ານ​ຄວາມ​ປອດ​ໄພ​ໄຊ​ເບີ (AMCC) ຄັ້ງທີ 5 ຜ່ານລະບົບທາງໄກ, ຈັດ​ຂຶ້ນ​ໂດຍ ​ອົງ​ການ​ຄວາມ​ປອດ​ໄພ​ທາງ​ໄຊ​ເບີ ຂອງ​ສິ​ງ​ກະ​ໂປ (Cyber Security Agency of Singapore) ໂດຍ​ການ​ເຂົ້າ​ຮ່ວມ ຈາກບັນ​ດາລັດ​ຖະ​ມົນ​ຕີ​ດ້ານ​ໄອ​ຊີ​ທີ ແລະ ໄຊ​ເບີ​ອາ​ຊຽ​ນ, ​ຜູ້ນຳຈາກບັນ​ດາ ອຸດສະຫະກຳ, ສະຖາບັນການສຶກສາ ແລະ ອົງການທີ່ບໍ່ຂຶ້ນກັບລັດຖະບານ.

ກອ​ງ​ປະ​ຊຸມສຳມະນາດັ່ງກ່າວຈັດ​ຂຶ້ນ​ພາຍ​ໃຕ້​ຫົວ​ຂໍ້ “ການຮ່ວມມືໃນອະນາຄົດ ຫລັງ COVID” ໂດຍສຸມໃສ່ການແລກປ່ຽນ​ບົດຮຽນຂອງແຕ່ລະປະເທດ ແລະປຶກສາຫາລືບັນດາແຜນການຮ່ວມມື ເພື່ອສ້າງ​ໂລກໄຊ​ເບີ ທີ່​ມີຄວາມ​ປອດໄພ ແລະ ​ຍືດ​ຍຸ່ນ ເພື່ອຮັບປະກັນການນຳໃຊ້ອິນເຕີເນັດໃຫ້ມີຄວາມປອດໄພສາມາດ ​ຂັບ​ເຄື່ອນຄວາມກ້າວໜ້າທາງເສດຖະກິດ ໃນອະນາຄົດດິຈິຕອນ.

ບັນດາບັນຫາພົ້ນເດັ່ນສຳ​ຄັນທີ່ໄດ້ສົນທະນາຮ່ວມກັນປະກອບມີ ເຊັ່ນ: (1)ຄວາມສ່ຽງຂອງ ໂລກອອນລາຍ ໃນສະພາບໃໝ່ (New Normal) ຫຼັງຈາກ COVID-19 ແລະ ການຮັກສາຂໍ້ມູນສ່ວນຕົວ, (2) ແລກປ່ຽນກ່ຽວກັບຄວາມ​ພະ​ຍາ​ຍາມ​ຂອງ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ ໃນ​ການ​ສົ່ງ​ເສີມ ​ການ​ຮ່ວມ​ມື​ຕໍ່​ກັບ​ວຽກ​ງານ​ດັ່​ງ​ກ່າວ​. ນອກນີ້, ກອງ​ປະ​ຊຸມ​ຍັງ​ມີ​ວາ​ລະ​ພິ​ເສດ ທີ່ໄດ້​ເຊີນ​ເອົາ​ບັນ​ດາ ​ຄູ່​ຮ່ວມ​ເຈ​ລະ​ຈາ​ອາ​ຊຽນ ມາ​ປຶກ​ສາ​ຫາ​ລື​ບັນ​ຫາ​ດ້ານຄວາມປອດໄພທາງໄຊເບີ ທີ່​ຕິດ​ພັນ​ກັ​ບ​ການ​ແຜ່​ລະ​ບາດ​ພະ​ຍາດ Covid-19.

ເຊິ່ງເວທີປຶກສາຫາລືດັ່ງກ່າວ ເຖິງຈະບໍ່ແມ່ນກອງປະຊຸມ ທາງການ ຂອງອາຊຽນ,​ ແຕ່ກໍ່ເປັນເວທີ ທີ່ ເປີດໂອກາດໃຫ້ ບັນດາປະເທດ ໄດ້ ແລກປ່ຽນບົດຮຽນຊຶ່ງກັນທາງດ້ານວິຊາການໃນລະດັບສູງ ແລະ ເພື່ອນຳເອົາຜົນຂອງການປຶກສາຫາລື ສະເໜີ ແກ່ ອາຊຽນ ໃນການພິຈາລະນາ ການຮ່ວມມື ໃນຂົງເຂດວຽກດັ່ງກ່າວຮ່ວມກັບບັນດາພາກສ່ວນທີ່ຕິດພັນ ໃນອານາຄົດ ບົນພື້ນຖານ ຄວາມເປັນເອກະພາບກັນ ແລະ ເຄົາລົບຕໍ່ລະບຽບກົດໝາຍ ພາຍໃນຊຶ່ງກັນ ແລະ ກັນ ຂອງແຕ່ລະປະເທດໃນອາຊຽນ.

Article Images: image_2020-10-09.jpeg