ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :48
› ມື້ວານນີ້ :47
› ອາທິດນີ້ :181
› ເດືອນນີ້ :499

ຈຳນວນຜູ້ເຂົ້າເບີ່ງ : 468062
ເວບໄຊທ໌ເປີດມາໄດ້ 1961 ວັນ
238 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຕິດຕາມ ລາວເຊີດ ທາງເຟສບຸກ

Poster ອາຊຽນ-ຍີ່ປຸ່ນ

ປີ 2017

ປີ 2016

ເບີ່ງທັງໝົດ

ການເຂົ້າເຖິງລະບົບຄອມພິວເຕີ ໂດຍບໍ່ໄດ້ຮັບອະນຸຍາດ ແມ່ນ ການນຳໃຊ້ອຸປະກອນເອເລັກໂຕຣນິກ ເຂົ້າໃນລະບົບຄອມພິວເຕີທີ່ມີມາດຕະການປ້ອງກັນສະເພາະ ຫຼື ເພື່ອລັກເອົາຂໍ້ມູນທາງດ້ານການຄ້າ, ດ້ານການເງິນ, ຄວາມລັບ ແລະ ຂໍ້ມູນອື່ນຂອງ ບຸກຄົນ, ນິຕິບຸກຄົນ, ການຈັດຕັ້ງ.

ພິທີເຊັນສັນຍາບົດບັນທຶກຄວາມເຂົ້າໃຈ ລະຫວ່າງ CnCERT ແລະ LaoCERTShare to Facebook ພິມ

Article Images: mou_3.jpeg

ໃນວັນທີ 05 ທັນວາ 2017 ທີ່ ໂຮງແຮມ Salana Boutique Hotel ໄດ້ມີພິທີພິທີເຊັນສັນຍາບົດບັນ​ທຶກ​ຄວາມ​ເຂົ້າ​ໃຈ​  ລະ​ຫວ່າງ ສູນ​ປະ​ສານ​ງານ ແລະ ແກ້ໄຂ​ເຫດ​ສຸກ​ເສີນ​ດ້ານ​ເຕັກ​ນິກ​ຂອງ ສ​ປ ຈີນ ແລະ ສູນ​ສະ​ກັດ​ກັ້ນ ແລະ ແກ້​ໄຂ​ເຫດ​ສຸກ​ເສີນທາງຄອມພິວເຕີ ສປປ ລາວ ພາຍໃຕ້ການເປັນສັກຄີພະຍານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ, ຫົວໜ້າກົມ, ຮອງກົມ. ນອກຈາກນັ້ນຍັງມີວິຊາການຫຼັກແຫຼ່ງພາຍໃນກະຊວງ ປທສ ເຂົ້າຮ່ວມຈໍານວນ 30 ທ່ານ.

ທັງສອງຝ່າຍໄດ້ເຊັນບົດບັນທຶກຄວາມເຂົ້າໃຈ ລະຫວ່າງ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ແຫ່ງ ສປປ ລາວ ກັບ ສູນປະສານງານ ແລະ ແກ້ໄຂເຫດສຸກເສີນດ້ານເຕັກນິກຂອງ ສປ ຈີນ, ເພື່ອສ້າງຈຸດປະສານງານ, ແລກປ່ຽນຂໍ້ມູນຂ່າວສານ ດ້ານຄວາມປອດໄພທາງໄຊເບີ, ຊ່ວຍເຫຼືອແກ້ໄຂເຫດສຸກເສີນ ແລະ ໂຄງການຮ່ວມມືຕ່າງໆ. ສຳລັບ ສປປ ລາວ ການພັດທະນາ ວຽກງານ ໂທລະຄົມມະນາຄົມ ແລະ ICT ຍັງປະເຊີນກັບ ສິ່ງທ້າທາຍ ຫຼາຍດ້ານ ແລະ ມີຄວາມຈຳເປັນ ຕ້ອງມີການ ແລກປ່ຽນບົດຮຽນ ແລະ ປະສົບການກັບ ບັນດາປະເທດ ທັງພາກພື້ນ ແລະ ສາກົນ ເພື່ອນຳມາດັດປັບ ໝູນໃຊ້ເຂົ້າໃນການ ພັດທະນາວຽກງານ ໂທລະຄົມມະນາຄົມ ແລະ ICT ໃຫ້ມີປະສິດທິຜົນ ແນໃສ່ປະກອບສ່ວນເຂົ້າໃນການພັດທະນາ ເສດຖະກິດ-ສັງຄົມ ຂອງ ສປປ ລາວ ຫຼາຍຂຶ້ນກວ່າເກົ່າ, ທັງສ້າງເງື່ອນໄຂ ໃຫ້ ສປປ ລາວ ສາມາດເຊື່ອມໂຍງ ກັບພາກພື້ນ ແລະ ສາກົນ.

Article Images: mou_2.jpg

ໂດຍເນື້ອໃນສັນຍາທີ່ໄດ້ຕົກລົງຮ່ວມກັນແມ່ນເພື່ອເປັນການຮ່ວມມືວ​ຽກ​ງານ​ຮັກ​ສາ​ຂໍ້​ມູນ​ເຄື​ອ​ຂ່າຍ​ໃນ​ປະ​ຈຸ​ບັນ​ໄດ້​ກາຍ​ມາ​ເປັນ​ພື້ນ​ຖານ​ໂຄ່ງ​ລ່າງ​ທີ່​ສຳ​ຄັນ​ຂອງ​ສອ​ງ​ປະ​ເທດ​ລ​ະ​ຫວ່າງ ສ​ປ ຈີນ ແລະ ສ​ປ​ປ ລາວ, ໂດຍ​ສະ​ເພາະ​ແມ່ນ​ເຫດ​ການ​ທີ່​ຖືກ​ໂຈມ​ຕີ​ທາງ ໄຊ​ເບີ ​ທີ່​ມີ​ຮູບ​ແບບ​ລັກ​ສະ​ນະ​ການ​ໂຈມ​ຕີ ຂ້າມ​ພົມ​ແດນ ແລະ ຂ້າມ​ເຄືອ​ຂ່າຍ ເຫດ​ການ​ດັ່ງ​ກ່າວ​ໄດ້​ນຳ​ຄວາມ​ທ້າ​ທາຍມາ​ໃຫ້​ສອງ​ປະ​ເທດ​ດັ່ງ​ກ່າວ ແລະ ມີ​ຄວາມ​ຈຳ​ເປັນ​ທີ່​ສຸດ​ໃນ​ການ​ຮ່ວມ​ມື​ກັນ​ແກ້​ໄຂ​ເຫດ​ການ, ປົກ​ປ້ອງ​ຂໍ້​ມູນ​ເຄື່ອ​ຂາຍ ແລະ ຮ່ວມ​ກັນກຽມ​ພ້ອມ​ຮັບ​ມື.

ດັ່ງ​ນັ້ນ, ສູນ​ປະ​ສານ​ງານ ແລະ ແກ້ໄຂ​ເຫດ​ສຸກ​ເສີນ​ດ້ານ​ເຕັກ​ນິກ​ຂອງ ສ​ປ ຈີນ ແລະ ສ​ປ​ປ ລາວ ຕົກ​ລົງ​ເຫັນ​ດີ ໃຫ້​ ສອງ​ປະ​ເທດ​ນີ້​ສືບ​ຕໍ່​ສົ່ງ​ເສີ​ມຄວາມ​ຮ່ວມ​ມື​ໃນ​ການ​ແກ້​ໄຂ​ເຫດ​ສຸກ​ເສີນ​ຮ່ວມ​ກັນ ບົນ​ພື້ນ​ຖານ​ເງື່ອນ​ໄຂ MoU ສະ​ບັບ​ນີ້, ໂດຍ​ສະ​ເພາະ​ປະ​ເທດທີ່​ມີ​ແນວ​ທາງ​ສົ່ງ​ເສີມ​ກົນ​ໄກ​ການ​ຮ່ວມ​ມື​ໄນ​ໄລ​ຍະ​ຍາວ​ຮ່​ວມ​ກັນ.