ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :14
› ມື້ວານນີ້ :23
› ອາທິດນີ້ :14
› ເດືອນນີ້ :313

ຈຳນວນຜູ້ເຂົ້າເບີ່ງ : 536879
ເວບໄຊທ໌ເປີດມາໄດ້ 2076 ວັນ
258 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ວິທີໃຊ້ແອັບ (Application) ທະນາຄານຜ່ານທາງອອນລາຍໃຫ້ປອດໄພຈາກການຖືກແຮັກ (Hack) ລັກເງິນShare to Facebook ພິມ

ວິທີ​ໃຊ້​ແອັບ (Application) ​ທ​ະນາ​ຄານ​ຜ່ານທາງອອນ​ລາຍ​ ໃຫ້​ປອດ​ໄພຈາກ​ການ​ຖືກ​ແຮັກ​ (Hack) ລັກ​ເງິນ​

ໃນ​ປັດຈຸບັນ​ນີ້​ເຮົາ​ສາມາດກວດສອບ​ຍອດ​ເງິນ​ບັນ​ຊີ​ເງິນ​ຝາກ​, ສັ່ງ​ໂອນ​ເງິນ​ ຫຼື ​ເຕີມ​ເງິນ​ໂທລະສັບມື​ຖື​ ແລະ​ ຊຳ​ລະ​ຄ່າ​ສິນ​ຄ້າ​ຜ່ານ​ທາງ​ແອັບ​ (Application) ທ​ະນາ​ຄານທາງ​ອອນ​ລາຍ​ຜ່ານ​ສະ​ມາ​ດ​ໂຟນ (Smartphone)​ ແຕ່​ກໍ່ຕ້ອງ​ລະ​ມັດ​ລະ​ວັງ​ໃນ​ການ​ຮັກສາ​ບັນ​ຊີ​ອອນ​ລາຍ ເພາະຖ້າ​ຫາກ​ວ່າມີ​ຜູ້​ບໍ່​ຫວັງ​ດີ​ ຫຼື ​ແຮັກ​ເກີ (Hacker)​ ມີລະ​ຫັດ​ຜ່ານ​ຂອງ​ເຮົາ​ ຫຼື ​ໄດ້​ຂໍ້​ມູນ​ລະ​ຫັດ​ຂອງ​ເຮົາ​ ຊຶ່ງ​ປຽບ​ດັ່ງເປັນ​ກະແຈເຮືອນ​ ມາ​ Login ແລ້ວ​ລັກ​ເງິນ​ໃນ​ບັນ​ຊີ​ເຮົາ​ໄປ​ ກໍ່​ເປັນ​ເລື່ອງ​ໃຫຍ່​ໄດ້​ ດັ່ງ​ນັ້ນ,​ ການ​ໃຊ້​ງານ​ແອັບ​ທະ​ນາ​ຄານ​ອອນ​ລາຍ ຄວນ​ຮູ້​ຈັກ​ວິທີ​ປ້ອງ​ກັນ​ການ​ຖືກ​ແຮັກ​ (Hack) ແລະ ​ຮູ້​ວິທີ​ໃຊ້​ງານ​ແອັບ​ຢ່າງ​ປອດ​ໄພ ​ດັ່ງ​ນີ້​:

Article Images: app_use.jpg

ກ່ອນ​ຈະໃຊ້​ງານ​ແອັບ​ທ​ະນາ​ຄານ​ອອນ​ລາຍ

1.  ຄວນ​ຕັ້ງ​ລະ​ຫັດ​ລັອກ​ໜ້າຈໍ​ ສຳລັບ​ການ​ເຂົ້າ​ໃຊ້ມື​ຖື​ ຊຶ່ງ​ເຈົ້າ​ຂອງ​ມື​ຖື​ເທົ່າ​ນັ້ນ​ທີ່​ຮູ້​ລະ​ຫັດ​ມື​ຖື​ຕົວ​ຈິງ​;

2.  ຕັ້ງ​ລະ​ຫັດ​ທີ່​ແຮັກ​ເກີ​ຄາດ​ເດົາ​ໄດ້​ຍາກ​ ແຕ່​ເຮົາ​ຈົດຈຳ​ໄດ້​ດີ;

3.  ຢ່າ​ໂຫຼດ​ແອັບ​ເຖື່ອນ​ ແອັບ​ທາງນອກ​ Store ແລະ​ ແອັບ​ທີ່​ບໍ່​ຮູ້​ຈັກ​ ເພື່ອ​ປ້ອງ​ກັນ​ຈຳພວກ​ແອບ​ແຝງ​ມັລ​ແວ​ (Malware) ລັກ​ຂໍ້​ມູນຕິດມານຳ​;

4.  ໃຊ້​ແອັບ​ກວດ​ສະ​ແກນ​ໄວ​ຣັສ (Virus), ມັລແວ​ ເພື່ອ​ຄວາມ​ປອດ​ໄພ​ຫຼາຍ​ຂຶ້ນ​;

5.  ບໍ່​ໃຊ້​ເຄື່ອງ​ທີ່​ຖືກ​ Root ເຄື່ອງ​ ຫຼື​ JailBreak ເຄື່ອງ​;

6.  ຄວນ​ຈຳ​ກັດ​ວົງ​ເງິນ​ໃນ​ການເຮັດ​ທຸລະ​ກໍາການ​ເງິນ​ອອນ​ລາຍ ປ້ອງ​ກັນ​ແຮັກ​ເກີ​​​ລັກ​ຜ່ານການ​ສັ່ງ​ໂອນ​ເງິນ​ຈຳນວນ​ຫຼາຍ;

7.  ຜູ້​ໃຊ້​ຕ້ອງ​ຮູ້​ວ່າ​ ທາງ​ທະ​ນາ​ຄານ​ບໍ່​ມີ​ນະໂຍບາຍ​ສົ່ງ​ SMS, E-mail ເພື່ອ​ໃຫ້​ດາວ​​ໂຫຼດ​ແອັບ​ ຫຼື ​ເຂົ້າ​ສູ່​ລະບົບ​ຜ່ານ​ທາງ​ອອນ​ລາຍ ຫາກ​ມີ​ Link ໄປ​ເວັບ​ທະ​ນາ​ຄານ​ເພື່ອປ້ອນຂໍ້ມູນ​ ໃຫ້​ຄຳນຶງ​ໄວ້​ກ່ອນ​ວ່າ​ເປັນ​ເວັບ​ໄຊປອມ​.

ຂະນະທີ່ໃຊ້​ງານ​ແອັບ​ທະ​ນາ​ຄານ​ອອນ​ລາຍ

1.  ຫຼັງໃຊ້​ງານສຳເລັດ​ຄວນ​ປ່ຽນ​ລະ​ຫັດ​ຜ່ານ​ຂອງ​ແອັບ​ທະ​ນາ​ຄາ​ນຢ່າງ​ສະໝ່ຳ​ສະເໝີ​;

2.  Logout ຫຼື ​Log off ອອກຈາກ​ລະບົບ​ທຸກ​ຄັ້ງ ຫຼັງ​ຈາກໃຊ້​ບໍລິການ​ທຸລະ​ກຳ​ອອນ​ລາຍຜ່ານ​ມື​ຖື​ສຳເລັດ​ແລ້ວ;

3.  ບໍ່​ຄວນ​ໃຊ້​ Wi-Fi ໃນ​ການເຮັດ​ທຸລະ​ກຳການ​ເງິນ​ ຄວນ​ໃຊ້​ເນັດ​ຜ່ານ​ທາງ​ເຄືອ​ຂ່າຍ​ 3G, 4G ໃນ​ມື​ຖື​ ຈະ​ປອດໄພກວ່າ​;

4.  ໝັ່ນ​ກວດ​ສອບ​ການເຮັດ​ທຸລະ​ກຳ​ອອນ​ລາຍ​ ເຊັ່ນ​: ລາຍ​ການ​ເງິນ​ໂອນ​, ຍອດ​ເງິນ​ຍັງ​ເຫຼືອ​, ຍອດ​ບັດ​ເຄຣ​ດິດ​ (Credit Card) ວ່າ​ມີ​ລາຍ​ການ​ໃດ​ຜິດ​ປົກກະຕິ​ ຫຼື ​ບໍ່​;

5.  ຈົດຈຳ​ເວັບ​ໄຊ​ທະ​ນາ​ຄານ​ທີ່​ເຮົາ​ໃຊ້​ບໍລິການ​ ແລະ ​ພິມ​ URL ຂອງ​ທະ​ນາ​ຄານ​ທີ່​ເຮົາ​ໃຊ້​ບໍລິການ​ໃຫ້​ຖືກ​ຕ້ອງ​;

6.  ຫາກ​ພົບ​ Link ​ທີ່​ໜ້າສົງໄສ​ ໃຫ້​ແຈ້ງ​ຕິດ​ຕໍ່ຫາທະນາ​ຄານ​ທີ່​ທ່ານໃຊ້​ບໍລິການ​.

ເອກະສານອ້າງອີງ: 

  1. https://www.it24hrs.com/2018/mobile-banking-online-banking-app-safety/
  2. https://twitter.com/bankofthailand/status/960339715093344258