ແຈ້ງເຕືອນແລະຂໍ້ແນະນຳຜູ້ໃຊ້ທົ່ວໄປ

Ransomware ຍັງບໍ່ຕາຍ! ແຈ້ງເຕືອນມັນແວ ຮຽກຄ່າໄຖ່ (Ransomware) ສາຍພັນໃໝ່ "Saturn" 

ທີມນັກວິໄຈດ້ານຄວາມປອດໄພ MalwareHunterTeam ໄດ້​ປະກາດການຄົ້ນພົບມັນແວຮຽກຄ່າໄຖ່ (Ransomware) ສາຍພັນໃໝ່ "Saturn" ເຂົ້າ​ລະຫັດໄຟລ໌ພ້ອມກັບປ່ຽນນາມສະກຸນໄຟລ໌ເປັນ .saturn ໃນຂະນະນີ້ຍັງບໍ່ມີວິທີການຖອດລະຫັດທີ່ບໍ່ຕ້ອງຈ່າຍຄ່າໄຖ່ ເຖິງວ່າຕອນນີ້ຍັງບໍ່ມີການເປີດເຜີຍຂໍ້ມູນ ກ່ຽວກັບວິທີການແຜ່ກະຈາຍຂອງມັນແວຮຽກຄ່າໄຖ່ Saturn ພຶດຕິກຳ ແລະ ຮູບແບບການແຜ່ກະຈາຍທີ່ບໍ່ໄດ້ເພີ່ມຂຶ້ນຢ່າງວ່ອງໄວເທົ່າໃດ ຈຶ່ງ​ອາດຈະ​ສະຫຼຸບໄດ້ວ່າ Saturn ຍັງແຜ່ກະຈາຍໄດ້ ດ້ວຍວິທີການ ເຊັ່ນ: ອີເມວທີ່ມີໄຟລ໌ແນບ, ການ​ເຂົ້າ​ເວັບ​ໄຊ​ທີ່ມີການສະແດງໂຄສະນາ ແລະ ມີການຝັງສະຄຣິບ (Script) ທີ່ເປັນອັນຕະລາຍ. ມັນແວຮຽກຄ່າໄຖ່ Saturn ຍັງບໍ່ມີພຶດຕິກຳໃນການລຶບໄຟລ໌ຂໍ້ມູນສຳຮອງຈາກຄຸນສົມບັດ (Feature)  Volume Shadow Copies, Windows Backup Catalog ແລະ ປິດການເຮັດວຽກ Windows Startup Repair.

ແນະ​ນຳ​ໃຫ້​ເພີ່ມ​ຄວາມລະມັດລະວັງກ່ອນເປີດໄຟລ໌ທີ່ຫນ້າສົງໃສທຸກໄຟລ໌ ລວມທັງການຕັ້ງຄ່າລະບົບໃຫ້ປອດໄພ ເພື່ອປ້ອງກັນການໂຈມຕີີລະບົບເພື່ອແຜ່ກະຈາຍມັນແວຮຽກຄ່າໄຖ່.

ເອກະສານອ້າງອີງ:

  1. https://m.facebook.com/story.php?story_fbid=1849409415069801&id=187949347882491
  2. https://www.bleepingcomputer.com/news/security/new-saturn-ransomware-actively-infecting-victims/