ແຈ້ງເຕືອນແລະຂໍ້ແນະນຳຜູ້ໃຊ້ທົ່ວໄປ

ແຈ້ງເຕືອນ ກວດ​ພົບ​ສາຍ​ພັນ​ມັນແວຮຽກຄ່າໄຖ່ (Ransomware) ໃໝ່​ ຊື່​ MegaCortex ທີ່​ກຳນົດ​ເປົ້າ​ໝາຍ​ໄປ​ທີ່ພາກ​ທຸລະກິດ​

Sophos ບໍລິສັດ​ ຮັກສາ​ຄວາມ​ປອດ​ໄພທາງ​ໄຊ​ເບີ​ ຂອງ​ປະເທດ ອັງກິດລາຍ​ງານ​ວ່າ​ ມີ​ການ​ກວດ​ພົບ​ການ​ໂຈມ​ຕີ​ຈາກ ມັນແວຮຽກຄ່າໄຖ່ (Ransomware) ໃນ​ຕົ້ນເດືອນ ພຶດສະພາ​ 2019 ນີ້ ​ສາຍ​ພັນ​ໃໝ່​ທີ່ມີ​ຊື່​ວ່າ​ MegaCortex, ໂດຍລວມແລ້ວຄ້າຍຄືຈະ​ໄດ້ຮັບ​ການ​ອອກ​ແບບ​ມາ​ເພື່ອ​ໂຈມ​ຕີ​ອົງກອນ​ທີ່ມີຂະໜາດ​ໃຫຍ່ ເຊັ່ນ:​ Ryuk, Bitpaymer, Dharma, SamSam, LockerGoga ແລະ​ Matrix.

MegaCortex ​ຖືກຄົ້ນ​ພົບ​ເທື່ອ​ທໍາອິດໃນ​ທ້າຍ​ເດືອນ​ ມັງກອນ 2019 ​ເມື່ອ​ມີກາ​ນ​ອັບ​ໂຫຼດ​ຕົວ​ຢ່າງ​ເທິງ​ບໍລິການ​ສະ​ແກນ​ມັນ​ແວ​ (Malware)  VirusTotal ນັບ​ຕັ້ງ​ແຕ່​ນັ້ນ​ມາ ​ຈຳນວນ​ການ​ໂຈມ​ຕີ​ກໍ່ເພີ່ມ​ຂຶ້ນ​ ໃນຕົ້ນເດືອນ​ທີ່​ຜ່ານມາ​ໄດ້​ກວດ​ພົບ​ການ​ໂຈມ​ຕີ​ ຈໍານວນ 47 ຄັ້ງ.

Sophos ກ່າວ​ວ່າ ໄດ້ບ​ລັອກ (Blocked) ​ການ​ໂຈມ​ຕີ​ທີ່​ກວດ​ພົບ ​ຊຶ່ງ​ມາ​ຈາກ​ເຄືອ​ຂ່າຍ​ອົງ​ກອນຫຼາຍ​ແຫ່ງ​ທີ່​ຕັ້ງ​ຢູ່ໃນ​ສະຫາລັດອາເມລິກາ,​ ແຄ​ນາ​ດາ,​ ເນເທີແລນ, ໄອ​​ແລນ​,​ ອິ​ຕາ​ລີ​ ແລະ​ ຝ​ຣັ່ງ,​​  ເຖິງຢ່າງໃດ​ກໍ່ຕາມ​, ການ​ໂຈມ​ຕີ​​ ອາດຈະ​ເກີດ​ຂຶ້ນ​ໃນບ່ອນ​ອື່ນ​​ ທີ່​ Sophos ບໍ່​ທົ່ວເຖິງ.​

 

ເອກະສານອ້າງອີງ: 

  1. https://www.facebook.com/isecure.mssp/photos/a.190303607647065/2481874981823238/?type=3&theater 
  2. https://www.zdnet.com/article/sudden-surge-of-megacortex-ransomware-infections-detected/?fbclid=IwAR1Jn3S-HbEGmjJ_YPt4fqPCtHeeL5rMOIIkKnYaZQQZiQ4QlnIkp10zszA