ແຈ້ງເຕືອນແລະຂໍ້ແນະນຳຜູ້ໃຊ້ທົ່ວໄປ

ພົບ​ມັນ​ແວ​ (Malware) ໂຕໃໝ່ຊື່​ ‘BlackRock’ ລັກ​ຂໍ້​ມູນ​ແອັບ​ເທິງ​ແອນ​ດ​ອຍ​​ໄດ້​ເຖິງ​ 337 ແອັບ​ພິ​ເຄ​ຊັ່ນ 

 

ຜູ້​ຊ່ຽວ​ຊານ​ດ້ານ​ Mobile Security ຂອງ ThreatFabric ໄດ້​ແຈ້ງ​ເຕືອນ​​ພົບ​ມັນ​ແວ​ໂ​ຕ​ໃໝ່​ເທິງ​ແອນ​ດ​ອຍ​​ທີ່​ຊື່ວ່າ​ BlackRock ຊຶ່ງຄວາມ​ໜ້າສົນ​ໃຈກໍ່​ຄື​ ຄວາມສາມາດ​ໃນການລັກ​ຂໍ້​ມູນແອັບ​ພິ​ເຄ​ຊັ່ນ​ເທິງແອນ​ດ​ອຍໄດ້​ຈຳນວນຫຼາຍ​ໃນ​ຫຼາຍ​ປະ​ເພດ​.

News Images: blackrock.jpg

credit : Zdnet

BlackRock ໄດ້ພັດທະນາຕໍ່ຍອດ​ມາ​ຈາກ​ມັນ​ແວ​​ເກົ່າ​ໆ​ ດັ່ງຮູບ​ພາບຂ້າງ​ເທິງ​ ຊຶ່ງ​ໃນ​ເວີ​​ຊັ່ນ​ຫຼ້າ​ສຸດ ​ມັນ​ແວ​ສາມາດ​ລັກ​ Credentials ຂອງ​ແອັບ​ພິເຄ​ຊັ່ນ​ໄດ້​ເຖິງ​ 337 ແອັບ​ພິ​ເຄ​ຊັ່ນ​ ໂດຍ​ເນັ້ນໜັກ​ໄປ​ທາງ​ Financial ຫຼື​ Social Media ແລະ ລວມ​ເຖິງ​ແອັບ​ພິ​ເຄ​ຊັ່ນ​ຫາ​ຄູ່​, ຂ່າວ​ສານ ແລະ ອື່ນ​ໆ.​ ​ເຕັກ​ນິກ​ທີ່​ໃຊ້​ຄື​ການສ້າງ​ໜ້າ​ຕ່າງ​ປ້ອນ​ຂໍ້​ມູນ​ມາ​ຄອບ​ຄຸມການ​ເອີ້ນໃຊ້​ງານ​ລ໋ອກ​ອິນ (Login) ​ຂອງ​ແອັບ​ພິ​ເຄ​ຊັ່ນຕົວ​ຈິງ.​

ເຖິງຢ່າງໃດ​ກໍ່ຕາມ, ​ຜູ້​ຊ່ຽວ​ຊານ​ຍັງພົບ​ວ່າ​ ມັນ​ແວ​​ໃຊ້​ເຕັກ​ນິກ​ເກົ່າ ຕາມ​ແນວ​ທາງ​ຂອງ​ມັນ​ແວ​​ ທີ່​ເຄີຍ​ມີ​ມາແລ້ວເທິງແອນ​ດ​ອຍ​​ ກໍ່ຄື​ການຂໍ​ໃຊ້ຄຸນສົມບັດ Accessibility (ຄຸນສົມບັດ​ ທີ່​ສາມາດ​ເຮັດວຽກ​ແທນ​ຜູ້​ໃຊ້​ງານ​ໄດ້​ຢ່າງ​ອັດ​ຕະໂນ​ມັດ​) ເມື່ອ​ໄດ້​ຫຼາຍ​ແລ້ວ​ມັນ​ແວ​​ຈະໃຫ້​ສິດ​ທິ​ຕົວ​ເອງ​ເຂົ້າ​ເຖິງ​ສິດ​ອື່ນ​ໆ​ ແລະ​ ໃຊ້​ Device Policy Controller ໃຫ້​ສິດ​ຜູ້​ເບິ່ງ​ແຍງລະບົບ​ກັບຕົວ​ເອງ​. ນອກ​ຈາກ​ນີ້, ຜູ້​ຊ່ຽວ​ຊານ​ຍັງ​ພົບ​ພຶດຕິກຳ​ຄຸກ​ຄາມ​ອື່ນໆ​ເຊັ່ນ​:  ການ​ດັກ​ຈັບ​ຂໍ້ຄວາມ,​ Spam, Flood SMS ແລະ ​ຟັງ​ຊັ່ນ​ Keylogger ລວມ​ເຖິງ​ທຳລາຍ​ແອັບ​ພິ​ເຄ​ຊັ່ນ​ Antivirus ເທິງ​ແອນ​ດ​ອຍ.​

ສຳລັບ​ການ​ແຜ່ກ​ະ​ຈາຍ​ເບື້ອງ​ຕົ້ນຍັງ​ພົບ​ວ່າ​ ແມ່ນຜ່ານເຂົ້າມາ​ທາງ​ແພັກ​ເກັດ​ Google Update ປອມ​ທີ່​ດາວ​​ໂຫຼດ​ຜ່ານ​ Third-party, ແນະນໍາໃຫ້ຜູ້ໃຊ້ແອນດອຍຄວນດາວໂຫຼດແອັບພິເຄຊັ່ນຜ່ານທາງ Play Store ເພາະຈະມີຄວາມປອດໄພຫຼາຍກວ່າ.

ເອກະສານອ້າງອີງ:                                                                                                  

  1. https://www.zdnet.com/article/new-blackrock-android-malware-can-steal-passwords-and-card-data-from-337-applications/
  2. https://www.techtalkthai.com/new-android-malware-blackrock-targets-to-steal-data-about-337-applications/