ແຈ້ງເຕືອນແລະຂໍ້ແນະນຳຜູ້ໃຊ້ທົ່ວໄປ

ເຕືອນໄພ!  "ຄລິບລາມົກທີ່ຖືກໂພສລົງ Facebook " ມີຜູ້ຕິດມັລແວແລ້ວກ່ວາແສນຄົນ 


ຂໍ້ມູນທົ່ວໄປ 

ຄລິບວີດີໂອ​ລາ​ມົກ​ຝັງມັລແວ ຕົວ​ໃໝ່​ຖືກ​ແຜ່​ກະ​ຈາຍ​ຢ່າງ​ວ່ອງໄວ​ຜ່ານ​ເຟ​ດບຸກ​ສົ່ງ​ຜົນ​ໃຫ້​ມີ​ຜູ້​ໃຊ້​ງານ​ຕິດ​ເຊື້ອ​ມັລ​ແວໄປ​ແລ້ວ​ກວ່າ 110,000 ລາຍ​ໃນ​ເວລາ 48 ຊົ່ວ​ໂມງ, ລາຍ​ງານ​ຈາກ​ເດິ​ກາດ້ຽນ (The Guardian)

ການເຮັດວຽກຂອງ ການ​ຫຼອກລວງ ເກີດ​ຈາກ​ການ​ທີ່​ຜູ້​ໃຊ້​ແຊລ໌​ໄຟລ໌​ວິ​ດີ​ໂອ​ລາ​ມົກ​ໄປ​ຍັງ​ໝູ້ເພື່ອນ20 ຄົນ ເມື່ອ​ມີ​ຄົນໃດຄົນໜຶ່ງ​ເຂົ້າໄປ​ຄລິກ​ເພື່ອ​ເປີດ​ໄຟລ໌​ວິ​ດີ​ໂອ ຈາກ​ຮູບ Screenshot ຈະ​ເຫັນ​ວ່າ​ໄຟລ໌​ວິ​ດີ​ໂອ​ສະແດງ​ໄດ້​ພຽງ​ເຄິ່ງ​ດຽວ ພ້ອມ​ຂໍ້ຄວາມ “Unfortunately, the videocan not be opened.. Please Update the Adobe Flash Player.. Please Run theInstallFlashPlayer.exe After the installation is complete and try again!..” ຊຶ່ງ​ໄດ້​ບອກວ່າ​ໄຟລ໌​ວິ​ດີ​ໂອ​ນີ້​ບໍ່​ສາມາດ​ຫຼິ້ນ​ໄດ້ ເຈົ້າ​ຕ້ອງ​ປັບປຸງໂປຣ​ແກຣມ FlashPlayer ກ່ອນ

ແນ່ນອນ​ວ່າ​ການ​ອັບ​ເດດ​ນັ້ນ​ບໍ່​ໄດ້​ຊ່ວຍ​ແກ້​ບັນຫາ ​ແຕ່​ກັບ​ເຮັດໃຫ້​ເຄື່ອງ​ຄອມພິວເຕີ​ຕິດ​ມັລ​ແວ​ປະ​ເພດ​ໂຕຈັນ​ແທນ​ ຊຶ່ງ​ມັນ​ຈະ​ເປັນ​ວົງ​ຈອນ​ຢ່າງ​ນີ້​ໄປ​ເລື່ອຍ​ໆ ສິ່ງ​ທີ່​ໜ້າ​ສົນ​ໃຈ​ກໍ​ຄື​ຄວາມ​ສາມາດ​ໃນ​ການ​ວິ​ເຄາະ​ຂອງການ​ຫລອກລວງ ຕົວ​ນີ້ ມັນ​ສາມາດ​ກວດ​ໄດ້​ວ່າ​ອຸປະກອນ​ທີ່​ກົດ​ລິ້ງ​ເຂົ້າ​ມາ​ນັ້ນ​ເປັນ​ອຸປະກອນ​ປະ​ເພດ​ໃດ ​ແລະ ​ສາມາດ​ຊີ້​ເປົ້າ​ໝາຍໄປ​ຍັງ​ມັລແວ​ທີ່​ເໝາະ​ກັບ​ອຸປະກອນ​ນັ້ນໆ ຊຶ່ງ Neowin ລາຍ​ງານ​ວ່າ​ມັນ​ສາມາດ​ແຜ່ກະ​ຈາຍ​ໄປ​ຍັງ​ມື​ຖື​ແອ​ນດອຍ ເຄື່ອງ​ຄອມພິວເຕີ ເຄື່ອງ PlayStation ສະມາດ​ທີ​ວີ (Smart TV) ແລະ​ ອຸປະກອນ​ມີ​ເດຍ​ເພ​ເຍີ (Media player)

Mohammad Faghani ນັກ​ວິ​ໄຈ​ດ້ານ​ການຮັກສາ​ຄວາມ​ປອດ​ໄພ ຜູ້​ຊຶ່ງ​ຕິດ​ຕາມ​ມັລ​ແວຕົວ​ນີ້​ໄດ້​ລາຍ​ງານ MD5 ຂອງ​ໄຟລ໌ Flash ປອມ​ຕົວ​ນັ້ນ ຄື ‘cdcc132fad2e819e7ab94e5e564e8968′ ແລະ SHA1 ຄື‘b836facdde6c866db5ad3f582c86a7f99db09784′ ພວກເຂົາ​ຍັງ​ບອກວ່າ​ຈາກ​ການ​ສອບ​ສວນ​ພົບ​ວ່າ​ມັລແວຕົວ​ນີ້​ມີ​ຄວາມ​ສາມາດ​ໃນ​ການ​ລັກ​ຂໍ້ມູນ​ຈາກ​ຄີບອ​ດ ແລະ ເມົ້ານຳອີກ

 

ລະບົບທີ່ໄດ້ຮັບຜົນກະທົບ 

Browser ທຸກຊະນິດ

 

ຂໍ້ແນະນຳໃນການປ້ອງກັນ ແລະ ແກ້ໄຂ 

ຜູ້​ໃຊ້​ຄວນ​​ລະມັດລະວັງໃນການເປີດລີ້ງວິດີໂອຕ່າງໆໃນສື່ສັງຄົມອອນລາຍໂດຍສະເພາະ Facebook ເປັນຕົ້ນ ແລະ ຄວນປັບປຸງຊ໋ອບ​ແວຮັກສາ​ຄວາມ​ປອດ​ໄພ​ໃຫ້ໃໝ່ສະເໝີເພື່ອ​ປ້ອງ​ກັນ​ມັລ​ແວຕົວ​ນີ້​ຊຶ່ງ ESET ກວດ​ພົບ​ໃນ​ຊື່ Win32/ExtrnBro.AK

ທາງ​ໂຄ​ສົກ​ຂອງ Facebook ໄດ້​ອອກ​ປະ​ກາດ​ໃນ​ເລື່ອງ​ນີ້​ວ່າ “ເຮົາ​ໄດ້​ໃຊ້​ລະບົບ​ອັດ​ຕະໂນມັດຈຳນວນ​ຫຼາຍ​ໃນ​ການ​ລະ​ບຸ​ລິ້ງ​ທີ່​ເປັນ​ອັນຕະລາຍ​ ແລະ ​ຢັບຢັ້ງ​ການ​ແຜ່​ກະ​ຈາຍ ໃນ​ກໍລະນີ​ນີ້ ເຮົາ​ໄດ້ຮັບ​ຮູ້​ເຖິງ​ສາຍ​ພັນ​ຂອງ​ມັລ​ແວເຫຼົ່າ​ນີ້​ຊຶ່ງ ​ອາໄສ​ຢູ່ໃນ​ສ່ວນ​ຂະຫຍາຍ​ຂອງບ​ລາວ​ເຊີ ແລະ​ ແຜ່​ກະ​ຈາຍ​ໂດຍ​ໃຊ້​ລິ້ງ​ໃນ​ໂຊຊຽວ​ມີ​ເດຍ (Social Media) ເຮົາ​ໄດ້​​ປິດ​ກັ້ນ​ລິ້ງການ​ຫຼອກລວງ ເຫຼົ່າ​ນີ້ ພ້ອມ​ສະເໜີ​ຕົວ​ເລືອກ​ໃນ​ການເຮັດ​ຄວາມ​ສະ​ອາດ ​ແລະ ​ການ​ຫາ​ມາ​ດຕະ​ການ​ເພີ່ມເຕີ່ມ​ເພື່ອ​ໃຫ້​ຄວາມໝັ້ນ​ໃຈ​ວ່າ​ຜູ້​ຄົນ​ຍັງ​ພົບ​ປະສົບການ​ທີ່​ປອດ​ໄພ​ເທິງ​ເຟ​ດ​ບຸກ”

 

ເອກະສານອ້າງອີງ

1. https://th-th.facebook.com/notes/eset/%E0%B9%80%E0%B8%95%E0%B8%B7%E0%B8%AD%E0%B8%99%E0%B8%A0%E0%B8%B1%E0%B8%A2-facebook-%E0%B9%82%E0%B8%9E%E0%B8%AA%E0%B8%84%E0%B8%A5%E0%B8%B4%E0%B8%9B%E0%B8%A5%E0%B8%B2%E0%B8%A1%E0%B8%81-%E0%B8%A1%E0%B8%B5%E0%B8%9C%E0%B8%B9%E0%B9%89%E0%B8%95%E0%B8%B4%E0%B8%94%E0%B9%80%E0%B8%8A%E0%B8%B7%E0%B9%89%E0%B8%AD%E0%B9%84%E0%B8%9B%E0%B9%81%E0%B8%A5%E0%B9%89%E0%B8%A7%E0%B8%A7%E0%B8%81%E0%B8%A7%E0%B9%88%E0%B8%B2%E0%B9%81%E0%B8%AA%E0%B8%99%E0%B8%84%E0%B8%99/790261521059200

 2. http://www.welivesecurity.com/2015/02/02/facebook-porn-scam-infects-110k-users-48-hours/