ສກ​ຄ ຈັດ​ຝຶກ​ອົມ​ຮົມ Next Gen Firewall ແລະ Email Security
Posted by palivath on February 28 2018 15:02:42

News Images: it_green_002.jpg

ໃນລະຫວ່າງ ວັນທີ 20 ກຸມພາ 2018 ທີ່ຜ່ານມາ ທ່ານ ວິໄລ ແກ້ວມະນີໄລ ຄະນະໜ່ວຍພັກ, ຮອງຫົວໜ້າ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ໃຫ້ກຽດເປັນປະທານຮ່ວມກັບ ທ່ານ ລົນນະສິດ ບຸນຊູ ຜູ້ອໍານວຍການ ບໍລິສັດ ໄອທີກຮີນ ຈໍາກັດ ສາຂາປະຈຳ ນະຄອນຫຼວງວຽງຈັນ ເປີດພິທີຝຶກອົບຮົມໃນຫົວຂໍ້: ໄຟຣວໍ ຮຸ່ນໃໝ່ ແລະ ການຮັກສາຄວາມປອດໄພ ໃນລະບົບອີເມວ (Next Generation Firewall and Email Security Workshop) ຊຶ່ງການຝຶກອົບຮົມດັ່ງກ່າວ ແມ່ນແນ່ໃສ່ການນໍາສະເໜີ ອຸປະກອນເຕັກໂນໂລຊີ ດ້ານຄວາມປອດໄພລ່າສຸດ ກ່ຽວກັບ ການກວດຈັບການໂຈມຕີແບບຕ່າງໆ ລວມໄປເຖິງການປ້ອງກັນໄພຄຸກຄາມ ທາງລະບົບເຄືອຂ່າຍຄອມພິວເຕີ ແລະ ຄວາມປອດໄພໃນລະບົບອີເມວ ເພື່ອເປັນການເສີມສ້າງຂີດຄວາມສາມາດ, ຍົກລະດັບຄວາມຮູ້ທາງ ດ້ານວິຊາການໃຫ້ພະນັກງານຂົງເຂດພາກລັດ, ທະນາຄານ ແລະ ຜູ້ໃຫ້ບໍລິການດ້ານໂທລະຄົມແລະອິນເຕີເນັດ ການຝຶກອົບຮົມດັ່ງກ່າວ ໄດ້ດໍາເນີນໄປເປັນເວລາ 04 ວັນ ເລີ່ມແຕ່ວັນທີ 20-23 ກຸມພາ 2018 ທີ່ ຫ້ອງຝຶກອົບຮົມຂອງ ສກຄ.