ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :28
› ມື້ວານນີ້ :50
› ອາທິດນີ້ :179
› ເດືອນນີ້ :1220

ຈຳນວນຜູ້ເຂົ້າເບີ່ງ : 1002043
ເວບໄຊທ໌ເປີດມາໄດ້ 2793 ວັນ
358 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2018

ປີ 2017

ປີ 2016

ເບີ່ງທັງໝົດ

ພຶດຕິກໍາທີ່ເປັນອາຊະຍາກໍາທາງລະບົບຄອມພີວເຕີ ທີ່ໄດ້ລະບຸໄວ້ຢູ່ໃນ ກົດໝາຍ: ວ່າດວ້ຍ ການຕ້ານ ແລະ ສະກັດກັ້ນອາຊະຍາກໍາທາງລະບົບຄອມພີວເຕີ ລວມມີພຶດຕິກໍາດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

ຮູ້ທັນ 13 ຊ່ອງທາງທີ່ແຮັກເກີໃຊ້ແຜ່ກະຈາຍມັນແວShare to Facebook ພິມ

        ສິ່ງທີ່ທຸກຄົນຮູ້ດີຄອມພິວເຕີຂອງຜູ້ໃຊ້ງາານທົ່ວໄປມັກຈະຕິດມັນແວ ແມ່ນມາຈາກຫຼາຍສາເຫດ ເຊັ່ນວ່າ ຕິດຜ່ານ USB Drive ຫຼື ຜ່ານທາງ Website ຫຼື ອາດເຖິງຂັ້ນໄປດາວໂຫຼດໂປຣແກຣມມາຕິດຕັ້ງດ້ວຍຕົວເອງ ເພາະຄິດວ່າເປັນໂປຣແກຣມທີ່ຈະນຳມາໃຊ້ປະໂຫຍດ.

Article Images: ways13.jpg

        ໃນປັດຈຸບັນ, ແຮັກເກີ ກໍ່ໄດ້ອາໄສຫຼາຍຊ່ອງທາງໃນການແຜ່ມັນແວ ໂດຍໃຊ້ກົນອຸບາຍຕ່າງໆ ເພື່ອຫຼອກລໍ້ໃຫ້ຜູ້ໃຊ້ງານນຳມັນແວມາຕິດຕັ້ງໃນເຄື່ອງຄອມພິວເຕີ, ຍ້ອນແນວນັ້ນເຮົາຄວນຮູ້ທັນຊ່ອງທາງໃດແດ່ ທີ່ແຮັກເກີມັກນິຍົມນຳມາໃຊ້ແຜ່ກະຈາຍມັນແວ ເພື່ອໃຫ້ເຮົາຮູ້ທັນ, ປ້ອງກັນ ແລະ ລະມັດລະວັງມັນແວ,  ລາຍລະອຽດຊ່ອງທາງ ທີ່ແຮັກເກີໃຊ້ແຜ່ກະຈາຍມັນແວ ມີດັ່ງນີ້:

1. ຜ່ານທາງເວັບໄຊຫາລາຍໄດ້

     ຫຼືທີ່ເອີ້ນວ່າ (Micro job) ຈາກການໂຄສະນາໃນລັກສະນະໃຫ້ຜູ້ໃຊ້ງານເຂົ້າຮ່ວມຕອບແບບສໍາຫຼວດສອບຖາມ ຫຼື ເຂົ້າຮັບຊົມໂຄສະນາ ກໍ່ຈະໄດ້ຮັບລາງວັນ ຫຼື ຂອງແຖມ ຊຶ່ງເມື່ອກົດເຂົ້າໄປທີ່ເວັບໄຊນັ້ນໆແລ້ວກໍ່ຈະຕິດມັນແວທີ່ແອບແຝງໂຕຢູ່ ຊຶ່ງບາງຄັ້ງກໍ່ສາມາດເຂົ້າເຖິງຂໍ້ມູນສ່ວນຕົວທີ່ສໍາຄັນຂອງເຮົາໄດ້.

2. ສະແປມ (Spam) ຜ່ານທາງສື່ສັງຄົມອອນລາຍຕ່າງໆ

      ສະແປມ ຜ່ານທາງສື່ສັງຄົມອອນລາຍ ນໍາໃຊ້ວິທີການສ້າງເນື້ອຫາທີ່ຫຼອກລວງໃຫ້ເກີດການເຂົ້າໃຈຜິດວ່າ ມີໂປຣແກຣມທີ່ເຮົາຈຳເປັນຕ້ອງໄດ້ນຳໃຊ້ ຫຼື ຕິດຕັ້ງ ເພື່ອຄວາມປອດໄພ, ເມື່ອເຮົາຫຼົງເຊື່ອກົດເຂົ້າໄປ ກໍ່ຈະຕົກເປັນເຫຍື່ອຂອງມັນແວທັນທີ.

3. ຜ່ານທາງການສ້າງໂພສໃນ Facebook

      ໂດຍການສ້າງບັນຊີຜູ້ໃຊ້ທີ່ໜ້າເຊື່ອຖື ແລ້ວໂຄສະນາຊວນເຊື່ອວ່າເປັນເໝືອງຂຸດເງິນດິຈິຕອນ ແລະ ມີໂປຣແກຣມສຳລັບໃຊ້ຂຸດເໝືອງແບບສ່ວນຕົວທີ່ເຮັດໃຫ້ໄດ້ເງິນດິຈິຕອນໄວຂຶ້ນ ໃນລັກສະນະທີ່ວ່າໃຫ້ດາວໂຫຼດກ່ອນຈະຖືກລຶບ ແຕ່ເມື່ອຕິດຕັ້ງໂປຣແກຣມໄປແລ້ວ ກໍ່ຈະໄດ້ມັນແວມາແທນ.

4. ສະແປມລິ້ງ (Spam Link) ມັນແວຜ່ານການສະແດງຄໍາເຫັນໃນ Youtube

      ສະແປມລິ້ງມັນແວກະຈາຍຜ່ານວິດີໂອທີ່ມີຍອດຜູ້ເຂົ້າຊົມ  ຫຼາຍໆ ບໍ່ວ່າຈະເປັນວິດີໂອກ່ຽວກັບການຂຸດເໝືອງ ຫຼື ວິດີໂອສອນວິທີການໂກງເກມ, ຊຶ່ງຈະເຮັດໃຫ້ມີຄົນກົດຖືກໃຈການສະແດງຄຳຄິດເຫັນຂອງຕົນສູງຂຶ້ນ ແລະ ເຮັດໃຫ້ການສະແດງຄຳຄິດເຫັນຂອງຜູ້ອື່ນຖືກ dislike ເປັນສາເຫດໃຫ້ການສະແດງຄຳຄິດເຫັນຂອງສະແປມລິ້ງມັນແວນັ້ນມີຄວາມໜ້າເຊື່ອຖືຂຶ້ນ.

5. ຜ່ານທາງເວັບໄຊປອມ

      ນີ້ເປັນວິທີທີ່ນີຍົມ ແລະ ມີປະສິດຕິພາບສູງທີ່ສຸດໃນການລັກຝັງມັນແວໄວ້ ໂດຍການປອມເວັບໄຊທີ່ມີຊື່ສຽງ ຫຼື ສ້າງເວັບໄຊປອມຕາມກະແສທີ່ກຳລັງເປັນທີ່ສົນໃຈຂອງຜູ້ຄົນໃນຊ່ວງເວລານັ້ນໆ ເຊັ່ນວ່າເວັບໄຊດາວໂຫຼດໂປຣແກຣມຟຣີຕ່າງໆ ຫຼື ເວັບໄຊທີ່ໃຫ້ຂໍ້ມູນຂ່າວສານກ່ຽວກັບການແຜ່ລະບາດຂອງເຊື້ອພະຍາດສາຍພັນໃໝ່ ເປັນຕົ້ນ ເພື່ອດຶງດູດໃຫ້ຄົນເຂົ້າຊົມ ແລະ ດາວໂຫຼດເອົາມັນແວມາຕິດຕັ້ງໄວ້ໃນເຄື່ອງຄອມພິວເຕີໂດຍທີ່ບໍ່ຮູ້ໂຕ.

6. ຫ້ອງສົນທະນາທີ່ບໍ່ເປີດເຜີຍຕົວຕົນ

      ດ້ວຍການສົ່ງຂໍ້ຄວາມຫາເຫຍື່ອໂດຍບໍ່ເປີດເຜີຍຕົວຕົນ ເຊັ່ນວ່າ ມີຮູບພາບລັບຂອງຜູ້ທີ່ມີຊື່ສຽງ ພ້ອມກັບຄັດຕິດລິ້ງດາວໂຫຼດມານຳ ເມື່ອຫຼົງກົດເຂົ້າໄປແລ້ວ ກໍ່ຈະຕິດຕັ້ງມັນແວແບບອັດຕະໂນມັດ.

7. ຜ່ານທາງລະບົບສົນທະນາຕ່າງໆ

      ດ້ວຍວິທີການສ້າງຫ້ອງສົນທະນາໃນຫົວຂໍ້ທີ່ມີຄວາມໜ້າສົນໃຈ ຫຼື ເລື່ອງທີ່ກຳລັງເປັນກະແສໃນຊ່ວງເວລານັ້ນ ເຊັ່ນ: ຄວາມລັບຂອງວິທີການຫາເງິນຜ່ານສື່ສັງຄົມອອນລາຍ, ການຂຸດເໝືອງສະກຸນເງິນດິຈິຕອນ ຫຼື ກົນໂກງຕ່າງໆ ແລ້ວເປີດເປັນສາທາລະນະ ເພື່ອຫຼອກລໍ້ໃຫ້ຄົນເຂົ້າມາດາວໂຫຼດມັນແວໄປຕິດຕັ້ງໃນຄອມພິວເຕີ ຊຶ່ງຖືວ່າເປັນຊ່ອງທາງໃນການແຜ່ກະຈາຍມັນແວໄດ້ເປັນຈຳນວນຫຼວງຫຼາຍ.

8. ຜ່ານການນຳໃຊ້ເງິນມາຫຼອກລໍ້

      ຜ່ານການຫຼອກລໍ້ໂດຍອາໄສຄວາມຢາກໄດ້ຂອງຜູ້ຄົນ ຊຶ່ງວິທີການນີ້ໄດ້ຮັບຄວາມນິຍົມຫຼາຍ ດ້ວຍການແຈກວິທີການສ້າງທຸລະກິດ ທີ່ຮັບປະກັນວ່າຈະໄດ້ເງິນຕອບແທນທີ່ຄຸ້ມຄ່າ ເຊັ່ນ: ຢູ່ບ້ານກໍ່ສາມາດຫາເງິນໄດ້ ຫຼື ຖ້າຢາກລວຍຊ່ວຍບອກຕໍ່ ຊຶ່ງເຫຍື່ອກໍ່ຈະທຳການກົດເຂົ້າໄປດາວໂຫຼດເອກະສານມາອ່ານ ຊຶ່ງໃນໄຟລ໌ດາວໂຫລດກໍ່ຈະຄັດຕິດມັນແວມານຳ ແລະ ຖ້າກົດແບ່ງປັນໃນໂລກອອນລາຍ ກໍ່ຈະເປັນການແຜ່ກະຈາຍມັນແວອີກຊ່ອງທາງໜຶ່ງອີກດ້ວຍ.

9. ຜ່ານຊ່ອງທາງເກມ

     ເປັນການແຜ່ມັນແວໂດຍການແຂ່ງຂັນກັນຜ່ານເກມ ເພື່ອແຈກຂອງລາງວັນໂດຍການສະແດງລາຍລະອຽດຕາມເວັບໄຊເກມຕ່າງໆ ວ່າມີເກມມ່ວນໆໃຫ້ຮ່ວມຫຼິ້ນ ພຽງແຕ່ດາວໂຫຼດໄຟລ໌ເອກະສານ (Text file) ເພື່ອຕອບຄໍຳຖາມ ກໍ່ຈະໄດ້ຮັບລາງວັນທັນທີ ແຕ່ວ່າໄຟລ໌ເອກະສານນັ້ນເປັນມັນແວທີ່ປອມແປງມາ.

10. ຜ່ານເວັບໄຊຫາຄູ່

      ສຳລັບການຫຼອກລໍ້ໜຸ່ມໂສດສາວໂສດ ທີ່ຕ້ອງການຫາຄູ່ຜ່ານການສົນທະນາຕ່າງໆ ຊຶ່ງໃນຂະນະທີ່ສົນທະນາກັນນັ້ນ ກໍ່ຈະສົ່ງໄຟລ໌ຮູບພາບທີ່ແອບແຝງມັນແວມານຳ, ວິທີນີ້ນອກຈາກຈະປ່ອຍມັນແວໄດ້ແລ້ວ ຍັງອາດຈະໄດ້ຂໍ້ມູນສ່ວນຕົວຂອງເຫຍື່ອມາເກັບໄວ້ເພື່ອໃຊ້ນຳໄປໃຊ້ປະໂຫຍດອີກດ້ວຍ.

11. ສ້າງເລື່ອງເສົ້າ

     ວິທີການນີ້ເປັນການໃຊ້ຄວາມອ່ອນໄຫວຂອງຄວາມຮູ້ສຶກຄົນມາເປັນຕົວຫຼອກລໍ້ ເຊັ່ນ: ການປອມແປງບັນຊີແລ້ວສ້າງເລື່ອງລາວທີ່ໜ້າເສົ້າໃນສື່ສັງຄົມອອນລາຍ ຫຼື ການໂພສຮູບພາບຂອງຄົນທຸກຍາກທີ່ຕ້ອງການຄວາມຊ່ວຍເຫຼືອ ຊຶ່ງເລື່ອງແບບນີ້ ຖ້າຫາກວ່າມີຄົນເຫັນກໍ່ຈະອົດບໍ່ໄດ້ທີ່ຈະຕ້ອງເຂົ້າໄປຊ່ວຍເຫຼືອ ແລະ ນັ້ນກໍ່ເປັນການເປີດປະຕູຮັບໂຈນເຂົ້າເຮືອນແບບທີ່ຫຼີກລ່ຽງບໍ່ໄດ້.

12. ຜ່ານທາງເວັບໄຊໃຕ້ດິນ

     ເວັບໄຊໃຕ້ດິນເປັນຊ່ອງທາງທີ່ບໍ່ປອດໄພ ແລະ ສ່ຽງຕໍ່ການແຜ່ກະຈາຍມັນແວຕ່າງໆ ເມື່ອມີການສ້າງຫົວຂໍ້ທີ່ໜ້າສົນໃຈ ເຊັ່ນ: “ພຽງແຕ່ດາວໂຫຼດແອັບພິເຄຼຊັ່ນກໍ່ໄດ້ຮັບເງິນທັນທີ” ແລະ ເມື່ອຫຼົງກົດລິ້ງກໍ່ຈະຕິດຕັ້ງມັນແວທັນທີ.

13. ຜ່ານການໂພສໃນເວັບໄຊຂຸດເໝືອງໂດຍກົງ

      ວິທີການກໍ່ຄືເຂົ້າໄປທີ່ເວັບບອດຂອງຄົນຂຸດເໝືອງໃນສ່ວນທີ່ມີການແບ່ງປັນໂປຣແກຣມ ຊອບແວ໋ຕ່າງໆ ທີ່ຈຳເປັນສຳລັບການຂຸດເໝືອງ (Cryptocurrency mining) ແລ້ວສໍາເນົາຂໍ້ຄວາມທັງໝົດມາ ແລະ ແປເປັນພາສາອື່ນໆ ແລ້ວນຳໄປແບ່ງປັນໃນເວັບບອດຂອງປະເທດນັ້ນໆ ພ້ອມກັບແກ້ໄຂລິ້ງສຳລັບດາວໂຫຼດໂປຣແກຣມ ແຕ່ເປັນລິ້ງສຳລັບດາວໂຫຼດມັນແວແທນ.

 

        ຈາກ 13 ຊ່ອງທາງທີ່ກ່າວມາຂ້າງເທິງນັ້ນ ຈະເຫັນວ່າ ເນື້ອຫາຂອງການຫຼອກລໍ້ໃຫ້ຫຼົງເຊື່ອສ່ວນຫຼາຍແມ່ນກ່ຽວກັບເລື່ອງເງິນ, ເລື່ອງຜົນປະໂຫຍດ ແລະ ຂອງຟຣີ (ຊອບແວ໋ຟຣີ) ເປັນຕົ້ນ. ເຖິງແມ່ນວ່າໃນບົດຄວາມອ້າງອີງຈະເປັນບົດຄວາມມາຈາກຕ່າງປະເທດ ຊຶ່ງກໍ່ຈະມີບາງຊ່ອງທາງທີ່ຢູ່ພາຍໃນ ສປປ ລາວ ກໍ່ບໍ່ໄດ້ຮັບຄວາມນິຍົມ, ແຕ່ສິ່ງທີ່ເຫັນໄດ້ຢ່າງຊັດເຈນກໍ່ຄື ເຮົາບໍ່ຄວນຫຼົງເຊື່ອໃນເລື່ອງທີ່ບໍ່ໜ້າຈະເປັນໄປໄດ້ ຫຼື ບໍ່ຄວນຕິດຕັ້ງຊອບແວ໋ຈາກແຫຼ່ງທີ່ບໍ່ໜ້າເຊື່ອຖື ຫຼື ບໍ່ຄວນກົດລິ້ງທີ່ບໍ່ຮູ້ແຫຼ່ງທີ່ມາ ຄວນສັງເກດເບິ່ງເວັບໄຊນັ້ນວ່າມີຄວາມປອດໄພ “ຄິດ ກ່ອນ ກົດ ກົດຢ່າງມີສະຕິ” ກ່ອນທີ່ຈະດາວໂຫຼດໂປຣແກຣມ ຫຼື ເອກະສານໃດໆ ເພື່ອຄວາມປອດໄພຂອງລະບົບຄອມພິວເຕີ ແລະ ຂໍ້ມູນສ່ວນຕົວຂອງທ່ານ.

 

ເອກະສານອ້າງອີງ:

1. https://www.hackread.com/13-ways-cyber-criminals-spread-malware/