ສະຖິຕິຜູ້ເຂົ້າເບີ່ງເວບໄຊທ໌

› ອອນລາຍ :1
› ມື້ນີ້ :40
› ມື້ວານນີ້ :61
› ອາທິດນີ້ :101
› ເດືອນນີ້ :880

ຈຳນວນຜູ້ເຂົ້າເບີ່ງ : 512096
ເວບໄຊທ໌ເປີດມາໄດ້ 2028 ວັນ
252 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຊ່ອງທາງຕິດຕາມ ລາວເຊີດ

  

Poster ອາຊຽນ-ຍີ່ປຸ່ນ

ປີ 2017

ປີ 2016

ເບີ່ງທັງໝົດ

ຢູ່ໃນກົດໝາຍ ວ່າດ້ວຍ ການຕ້ານ ແລະ ສະກັດກັ້ນອາຊະຍາກຳທາງລະບົບຄອມພິວເຕີ ພຶດຕິກຳທີ່ເປັນອາຊະຍາກຳທາງລະບົບຄອມພິວເຕີ ມີດັ່ງນີ້: 1. ການເປີດເຜີຍມາດຕະການປ້ອງກັນການເຂົ້າເຖິງລະບົບຄອມພິວເຕີ; 2. ການເຂົ້າເຖິງລະບົບຄອມພິວເຕີ ໂດຍນບໍ່ໄດ້ຮັບອະນຸຍາດ; 3. ການຕັດຕໍ່ເນື້ອໃນ, ຮູບ, ພາບເຄື່ອນໄຫວ, ສຽງ ແລະ ວີດີໂອ ໂດຍບໍ່ໄດ້ຮັບອະນຸຍາດ; 4. ການລັດເອົາຂໍ້ມູນໃນລະບົບຄອມພິວເຕີ ໂດຍບໍ່ໄດ້ຮັບອະນຸຍາດ; 5. ການສ້າງຄວາມເສັຍຫາຍຜ່ານສື່ສັງຄົມອອນລາຍ; 6. ການເຜີຍແຜ່ສິ່ງລາມົກຜ່ານລະບົບຄອມພິວເຕີ; 7. ການລົບກວນລະບົບຄອມພິວເຕີ; 8. ການປອມແປງຂໍ້ມູນຄອມພິວເຕີ; 9. ການທຳລາຍຂໍ້ມູນ-ຄອມພິວເຕີ; 10. ການດຳເນີນກິດຈະການ ກ່ຽວກັບເຄື່ອງມືອາຊະຍາກຳທາງລະບົບຄອມພິວເຕີ.

Dark Web ແມ່ນຫຍັງ?Share to Facebook ພິມ

Dark Web ແມ່ນ​ຫຍັງ​?

ຫຼາຍ​ຄົນ​ອາດ​ຈະ​ເຄີຍ​ໄດ້ຍິນ​ຄຳ​ວ່າ​ Dark Web ຜ່ານສື່ຕ່າງໆມາຫຼາຍພໍສົມຄວນ ແຕ່ທ່ານຮູ້ບໍ່ວ່າມັນມີຄວາມໝາຍແນວໃດ ແລະ ມີລັກສະນະ​ການ​ເຮັດ​ວຽກແນວໃດ, ຊຶ່ງໃນບົດຄວາມນີ້ຈະອະທິບາຍຄຳວ່າ​ Dark Web ແບບສັ້ນໆ ແລະ ເຂົ້າໃຈໄດ້ງ່າຍ​ ດັ່ງ​ນີ້​:

Surface Web ຄື​ເວັບ​ໄຊ​​ທີ່​ເປີດ​ໃຫ້​ເຂົ້າ​ເຖິງ​ໄດ້​ດ້ວຍ​ວິທີ​ປົກກະຕິ​ (ຮູ້​ຈັກ​ກັນ​ໃນ​ຊື່​ World Wide Web) ສາມາດ​ຄົ້ນ​ຫາ​ເວັບ​ໄຊ​​ເຫຼົ່າ​ນີ້​ໄດ້​ຜ່ານ​ Search engine.

Deep Web ເປັນ​ເວັບ​ໄຊ​​ທີ່​ບໍ່​ປະກົດ​ໃນ​ຖານ​ຂໍ້​ມູນ​ Search engine ແລະ​ ບໍ່​ເປີດ​ໃຫ້​ບຸກ​ຄົນ​ພາຍນອກ​ເຂົ້າ​ເຖິງ​ໄດ້​ດ້ວຍ​ວິທີ​ປົກກະຕິ​ ເຊັ່ນ​ ເວັບ​ທີ່​ໃຊ້​ງານ​ສະເພາະ​ເຄືອ​ຂ່າຍ​ພາຍ​ໃນ​ອົງ​ກອນ.

Dark Web ເປັນ​ເວັບ​ໄຊ​ທີ່​ຕັ້ງ​ໃຈ​ເຊື່ອງຊ້ອນການ​ເຂົ້າ​ເຖິງ​ ປົກ​ປິດ​ຂໍ້​ມູນ​ຜູ້​ຢູ່​ເບື້ອງ​ຫຼັງ​ ໂດຍ​ສ່ວນ​ໃຫຍ່​ມີ​ຈຸດປະສົງ​ເພື່ອ​ໃຊ້​ໃນ​ທາງທີ່​ຜິດຕໍ່​ກົດໝາຍ.​

ການ​ເຂົ້າ​ເຖິງ​ Dark Web ຈະ​ຕ້ອງ​ໃຊ້​ຊ່ອງ​ທາງ​ພິເສດ​ ເຊັ່ນ​ ເຂົ້າ​ຜ່ານ​ເຄືອ​ຂ່າຍ​ Tor ຫຼື​ I2P ຊຶ່ງ​ເປັນ​ການ​ເຂົ້າ​ເຖິງ​ແບບ​ບໍ່​ລະ​ບຸ​ຕົວ​ຕົນ​ (Anonymous) ແລະ ​ກວດ​ສອບ​ຍ້ອນ​ກັບ​ເສັ້ນ​ທາງ​ໄດ້​ຍາກ​ ເນື້ອ​ຫາ​ໃນ​ Dark Web ໂດຍ​ສ່ວນ​ໃຫຍ່​ຈະ​ເປັນ​ເລື່ອງ​ຜິດ​ກົດໝາຍ​ ຫຼື ​ອາຊະຍາກຳ​ ເຊັ່ນ​ ຊື້​ຂາຍ​ຢາ​ເສບ​ຕິດ​ ຂາຍ​ອາ​ວຸດ​ ຄ້າມະ​ນຸດ​ ຊື້​ຂາຍ​ມັນ​ແວ​ (Malware)​ ຫຼື ​ຊື້​ຂາຍ​ຂໍ້​ມູນ​ທີ່​ຖືກ​ລັກ​ອອກ​ມາ​ ເປັນ​ຕົ້ນ​.

ແຕ່ໃນອີກດ້ານໜຶ່ງ​ Dark Web ບາງ​ສ່ວນ​ບໍ່​ໄດ້​ເປັນເນື້ອ​ຫາ​ຜິດ​ກົດຫມາຍ​ (ຫຼື ​ອາດຈະ​ເຂົ້າ​ຂ່າຍ​ຜິດ​ກົດໝາຍ​ສະເພາະ​ໃນ​ບາງ​ປະເທດ​) ເຊັ່ນ​ ການ​ນຳ​ສະເໜີ​ຂ່າວ​ຂອງ​ນັກ​ຂ່າວ​ທີ່​ເຮັດວຽກ​ຢູ່ໃນ​ປະເທດ​ທີ່​ບໍ່​ອະນຸຍາດ​ໃຫ້​ເຜີຍແຜ່​ຂ່າວ​ສານ​ບາງຢ່າງ​ ການ​ເປີດ​ເຜີຍ​ຂໍ້​ມູນ​ອາຊະຍາກຳ ​ໂດຍ​ຜູ້​ເປີດ​ເຜີຍ​ຕ້ອງ​ການ​ປົກ​ປິດ​ຕົວ​ຕົນ​ ບໍລິການ​ແລກ​ປ່ຽນ​ສະ​ກຸນ​ເງີນ​ດິ​ຈິ​ຕອນ​ ຫຼື ​ການ​ໂອ້ລົມສົນທະນາ​ໃນ​ຫົວຂໍ້​ທີ່​ບໍ່​ເປີດ​ເຜີຍ​ຕໍ່​ສາທາລະນະ​ ເປັນ​ຕົ້ນ​.

ຢ່າງໃດ​ກໍ່​ຕາມ​ ການ​ເຂົ້າ​ເຖິງ​ເວັບ​ໄຊ​ປະ​ເພດ​ນີ້​ອາດ​ມີ​ຜົນ​ກະທົບ​ດ້ານ​ກົດໝາຍ​ ແລະ​ ມີ​ຄວາມ​ສ່ຽງ​ທີ່​ຈະ​ຕົກ​ເປັນ​ເຫຢື່ອ​ຈາກ​ມັນ​ແວ​ ຄວນ​ພິຈາລະນາ​ຢ່າງ​ຮອບຄອບ​ກ່ອນ​ເຂົ້າ​ເຖິງ​ເວັບ​ໄຊ​ເຫຼົ່າ​ນີ້​.

ເອກະສານອ້າງອີງ:  

  1. https://blog.malwarebytes.com/security-world/2017/07/explained-dark-web/
  2. http://www.techadvisor.co.uk/how-to/internet/what-is-dark-web-deep-web-3593569/