ສະຖິຕິຜູ້ເຂົ້າເບີ່ງເວບໄຊທ໌

ອອນລາຍ : 1
ມື້ນີ້ :        21
ມື້ວານນີ້ :   62
ອາທິດນີ້ :   138
ເດືອນນີ້ :   1177

ຈຳນວນຜູ້ເຂົ້າເບີ່ງ : 381465
ເວບໄຊທ໌ເປີດມາໄດ້ 1783 ວັນ
213 ຄົນ / ວັນ

ຮ່ວມມື ASEAN-Japan


ລາວເຊີດ Partners

ເລືອກພາສາ (Language)

ຕິດຕາມ ລາວເຊີດ ທາງເຟສບຸກ

Poster ເຕືອນໄພທາງອິນເຕີເນັດ

ປີ 2017

ປີ 2016

ເບີ່ງທັງໝົດ

ການເຂົ້າເຖິງລະບົບຄອມພິວເຕີ ໂດຍບໍ່ໄດ້ຮັບອະນຸຍາດ ແມ່ນ ການນຳໃຊ້ອຸປະກອນເອເລັກໂຕຣນິກ ເຂົ້າໃນລະບົບຄອມພິວເຕີທີ່ມີມາດຕະການປ້ອງກັນສະເພາະ ຫຼື ເພື່ອລັກເອົາຂໍ້ມູນທາງດ້ານການຄ້າ, ດ້ານການເງິນ, ຄວາມລັບ ແລະ ຂໍ້ມູນອື່ນຂອງ ບຸກຄົນ, ນິຕິບຸກຄົນ, ການຈັດຕັ້ງ.

ພິທີເຊັນບົດບັນທຶກຄວາມເຂົ້າໃຈ (MOU) ຮ່ວມກັນ ສາມຝ່າຍShare to Facebook ພິມ

MoU

 

        ໃນຕອນບ່າຍຂອງມື້ວັນທີ 10 ພະຈິກ 2017, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ຮ່ວມກັນ ສາມຝ່າຍ ລະຫວ່າງ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ (LaoCERT), ບໍລິສັດ ດາຄາຄອມ ຈໍາກັດ ແລະ ບໍລິສັດ ພລັດຄູລິດ ເທັກໂນໂລຊີ ປະເທດ ສິງກະໂປ, ຊຶ່ງຈຸດປະສົງຂອງການເຊັນບົດບັນທຶກດັ່ງກ່າວ ແມ່ນເພື່ອເປີດບໍລິການ, ຈັດຫຼັກສູດຝຶກອົບຮົມທາງດ້ານເຕັນນິກຄວາມປອດໄພທາງໄຊເບີ (Cyber Security) ຂັ້ນສູງ ຢູ່ ສປປ ລາວ, ໂດຍແນໃສ່ການໃຫ້ບໍລິການສັງຄົມທົ່ວໄປ ພ້ອມທັງເປັນການສົ່ງເສີມໃຫ້ບຸກຄະລາກອນຂອງພາກລັດ ແລະ ພາກເອກະຊົນ ມີໂອກາດຍົກລະດັບຄວາມຮູ້ໃນວຽກງານຄວາມປອດໄພທາງໄຊເບີໃຫ້ຫຼາຍຂຶ້ນ ແລະ ເປັນການເສີມສ້າງຄວາມເຂັ້ມແຂງໃນການສ້າງຄວາມອາດສາມາດໃນການຮັກສາຄວາມປອດໄພທາງໄຊເບີ (Capacity Building of Cyber Security) ໃຫ້ທັນສະພາບການ.

        ປັດຈຸບັນ, ຄອມພິວເຕີ ແລະ ອິນເຕີເນັດໄດ້ກາຍມາເປັນພາກສ່ວນໜຶ່ງໃນວຽກງານ ແລະ ການດຳລົງຊີວິດຂອງຄົນເຮົາ, ໃນທາງກັບກັນ ຄອມພິວເຕີ ແລະ ອິນເຕີເນັດກໍ່ຍັງສົ່ງຜົນກະທົບຕໍ່ ເສດຖະກິດ-ສັງຄົມ ເຊັ່ນ: ການບຸກລຸກຂອງໄວຣັດຄອມພິວເຕີ, ການສວຍ​ໃຊ້ຊ່ອງໂ​ຫວ່​ຂອງ​ລະ​ບົບ​ຄອມ​ພິວ​ເຕີ, ການຮົ່ວໄຫຼຂອງຂໍ້ມູນຂ່າວສານ, ການໂຈມຕີທາງໄຊເບີ (Cyber Acttack) ແລະ ອື່ນໆ. ຈາກການບັນທຶກສະຖິຕິຂອງເຫດການທີ່ເກີດຂຶ້ນໃນ ສປປ ລາວ ປີ 2016 ທີ່ຜ່ານມາ ເຫັນວ່າມີເວັບໄຊທີ່ຖືກທຳລາຍເຖິງ 34%, ການໂຈມຕີແບບປະຕິເສດການໃຫ້ບໍລິການ (Denial of service) ມີເຖິງ 25%, ເມົາແວ (Malware) 17%, ສະແປມ (Spam) 8%, ເວັບ​ໄຊປອມແປງ (Phishing Website) ແລະ ການສະແກນຊ່ອງໂວ່ຂອງເຄືອຂ່າຍ 8%. ເພາະສະນັ້ນ, ຖ້າ​ເປັນ​ເລື່ອງໄພຄຸກຄາມ​ທາງໄຊເບີ (Cyber Threat) ​ຈຶ່ງ​ເຫັນ​ວ່າ​ມີຄວາມຈຳເປັນຢ່າງຍິ່ງທີ່ທາງພາກລັດ ແລະ ເອກະຊົນຕ້ອງໄດ້ສົ່ງເສີມ ເພື່ອສ້າງຄວາມເຂັ້ມແຂງ, ຄວາມອາດສາມາດໃນການກໍ່ສ້າງບຸກຄະລາກອນ ແລະ ສ້າງພະນັກງານດ້ານເຕັກນິກວິຊາການ ໃນການປ້ອງກັນໂຄງລ່າງພື້ນຖານຂໍ້ມູນຂ່າວສານຂອງຂະແໜງການຕົນ ໃຫ້ມີ​ປອດ​ໄພ ແລະ ຮັບ​ປະ​ກັນ​ຂຶ້ນ​ຕື່ມ.