ແຈ້ງເຕືອນແລະຂໍ້ແນະນຳຜູ້ໃຊ້ທົ່ວໄປ

Pokemon Go ອາດຈະເຂົ້າຄວບຄຸມ  Google Account ຂອງທ່ານທັງໝົດ

ຂໍ້ມູນທົ່ວໄປ

Adam Reeve ນັກ​ສະ​ຖາ​ປັດ​ຕະຍາກຳ ​IT ໄດ້​ອອກ​ມາ​ເປີດ​ເຜີຍ​ເຖິງ​ເບື້ອງ​ຫຼັງ​ຂອງ​ Pokemon Go ເກມ​ໂປ​ເກມ​ອນ​ທີ່ເປັນທີ່ນິຍົມ​ໃນ​ Apple iOS ແລະ​ Android ວ່າ​ ຖ້າລົ​ງ​ທະ​ບຽນ​ຫຼິ້ນ​ເກມ​ຢ່າງ​ບໍ່​ຮອບ​ຄອບ​ Google Account ຂອງທ່ານອາດຈະ​ສ່ຽງ​ຖືກ​ເຂົ້າ​ເຖິງ​ເກີນ​ກວ່າ​ຄວາມ​ຈຳ​ເປັນ​ໄດ້​.

ກ່ອນ​ທີ່​ຈະ​ຫຼິ້ນ​ເກມ​ Pokemon Go ຜູ້​ໃຊ້​ທີ່ຕ້ອງ​ການ​ເປັນ​ຜູ້ຝຶກ (Trainer) ​ຈຳ​ເປັນ​ຕ້ອງ​ລົງ​ທະ​ບຽນ​ເຂົ້າ​ຮ່ວມ​ຫຼິ້ນ​ເກມ ​ຜ່າ​ນ​ທາງ​ ເວັບ​ໄຊ​​ Pokemon Go ກ່ອນ,​ ແຕ່​ເນື່ອງ​ຈາກ​ມີ​ຜູ້​ຫຼິ້ນ​ເປັນ​ຈຳນວນ​ຫຼາຍ​ ເຮັດໃຫ້​ການ​ເຂົ້າ​ເຖິງ​ເວັບ​ໄຊ​ອາດ​ຕິດ​ຂັດ​, ບໍ່​ສະ​ດວກ​ ​ໂປຣແກຣມເກມ​ຈຶ່ງ​ອະນຸຍາດ​ໃຫ້​ຜູ້​ຫຼິ້ນ​ສາມາດ​ລົງ​ທະ​ບຽນ​ໂດຍ​ໃຊ້​ ບັນຊີກູໂກ້ (Google Account) ໄດ້.​ ຈາກ​ສ​ະຖິ​ຕິ​ລ່າ​ສຸດ​ຂອງ​ SimilarWeb ລະ​ບຸ​ວ່າ​ ປະລິມານ​ຜູ້​ໃຊ້​ທີ່​ເປີດ​ເກມ​ Pokemon Go ເກືອບ​ຈະ​ທຽບ​ເທົ່າ​ຈຳນວນ​ຜູ້​ທີ່​ໃຊ້​ Twitter ໃນ​ແຕ່​ລະ​ມື້​ແລ້ວ​ ແລະ ​ເວລາ​ທີ່​ຫຼິ້ນ​ເກມ​ໄດ້​ແຊງ​ໜ້າ​ເວລາ​ທີ່​ໃຊ້​ງານ​ WhatsApp ຫຼື​ Instagram ໄປ​ເປັນ​ທີ່​ຮຽບຮ້ອຍ​.

ຜົນກະທົບ

ຢ່າງໃດ​ກໍ່​ຕາມ​, ໃນ​ກໍລະນີ​ທີ່​ເລືອກ​ລົງ​ທະ​ບຽນ​ໂດຍ​ໃຊ້​ ບັນຊີກູໂກ້ ຈະ​ສົ່ງ​ຜົນ​ໃຫ້​​ເກມ​ສາມາດ​ເຂົ້າ​ເຖິງ​ ບັນຊີກູໂກ້ ແບບ​ Full Access ໄດ້​ທັນ​ທີ​ ນັ້ນ​ໝາຍ​ຄວາມ​ວ່າ​ ເກມ​ Pokemon Go ສາມາດ​ເບິ່ງ​ເຫັນ ​ແລະ ​ແກ້​ໄຂ​ຂໍ້​ມູນ​ທີ່​ມີ​ຢູ່​ທັງ​ໝົດ​ໃນ​ບັນຊີກູໂກ້ ຂອງ​ຜູ້​ຫຼິ້ນ​ໄດ້​ ເຊັ່ນ​: ອ່ານ​ອີ​ເມວ,​ ສົ່ງ​ອີ​ເມວໃນ​ນາມ​ຂອງ​ຜູ້​ຫຼິ້ນ,​ ເຂົ້າ​ເຖິງ​ເອກະສານ​ໃນ​ Google Drive ລວມ​ເຖິງ​ແກ້​ໄຂ​ຂໍ້​ມູນ​ຕ່າງ​ໆ​, ເຂົ້າ​ເຖິງ​ຮູບ​ພາບ​ທີ່​ເກັບ​ຢູ່ໃນ​ Google Photos ແລະ​ ລັກເບິ່ງ​ຂໍ້​ມູນ​ ປະຫວັດການຄົ້ນຫາ (Search History) ແລະ​ ປະຫວັດການນຳທາງໃນແຜນທີ່ (Maps Navigation History) ໄດ້​.

News Images: pokemongot.jpg

ໂດຍ​ປົກກະຕິ​ແລ້ວ​ ໃນ​ກໍລະນີ​ທີ່​ໃຊ້​ບັນຊີກູໂກ້ ລົງ​ທະ​ບຽນ​ແອັບ​ພິ​ເຄ​ຊັ່ນ (Application)​ ແອັບ​ພິ​ເຄ​ຊັ່ນ​ສ່ວນ​ໃຫຍ່​ຈະ​ສະແດງ​ກ່ອງຂໍ້ຄວາມ​ເພື່ອ​ຖາມວ່າ​ ຜູ້​ໃຊ້​ຈະໃຫ້​ສິດ​ໃນ​ການ​ເຂົ້າ​ຄວບ​ຄຸມ​ ບັນຊີກູໂກ້ ຫຼື ບໍ່​ ແຕ່​ເກມ​ Pokemon Go ຈະ​ບໍ່​ສະແດງ​ກ່ອງ​ຂໍ້ຄວາມ​ດັ່ງ​ກ່າວ​ໃຫ້ເຫັນ.

ຂໍ້ແນະນຳໃນການປ້ອງກັນ ແລະ ແກ້ໄຂ

ຖ້າ​ທ່ານ​ໃດ​ຄິດວ່າ​ຕົນ​ເອງ​ຜິດພາດ​ ໄດ້ລົງ​ທະ​ບຽນ​ໂດຍ​ໃຊ້​ ບັນຊີກູໂກ້ ໄປ​ແລ້ວ​ ສາມາດ​ກວດ​ສອບ​ສິດ​ການ​ເຂົ້າ​ເຖິງ​ ບັນຊີກູໂກ້ ໄດ້​ທີ່​ໜ້າ​ App Permissions Page ສຳລັບ​ທ່ານ​ທີ່​ບໍ່​ຕ້ອງ​ການໃຫ້​ Pokemon Go ເຂົ້າ​ມາ​ວຸ້ນວາຍບັນຊີກູໂກ້ ທ່ານ​ສາມາດ​ຖອນ​ການ​ຕິດ​ຕັ້ງ​​ເກມ​ ລົງ​ທະ​ບຽນ​ໃໝ່​ ແລະ​ ສັ່ງ​ຍົກ​ເລີກ​ສິດ​ໃນ​ການ​ເຂົ້າ​ເຖິງ​ ບັນຊີກູໂກ້ ໄດ້​ທີ່​ໜ້າ​ເພດ (Page) ​ດັ່ງ​ກ່າວ​ທັນ​ທີ​.

ເອກະສານອ້າງອີງ

  1. https://www.techtalkthai.com/pokemon-go-may-access-your-google-account/