ແຈ້ງເຕືອນ ພົບມັນແວຮຽກຄ່າໄຖ່ “Phobos ransomware” ໂຕໃໝ່
Posted by Meesaisak on March 04 2019 20:39:57

ແຈ້ງເຕືອນ  ພົບມັນແວຮຽກຄ່າໄຖ່ “Phobos ransomware” ໂຕໃໝ່

News Images: phobos_ran.jpg

Phobos ປະກົດ​ຕົວ​ຄັ້ງທຳອິດໃນ​ເດືອນ ​ທັນວາ 2018 ທີ່​ຜ່ານມາ ຊຶ່ງ​ນັກ​ວິ​ໄຈທີ່ CoveWare ໄດ້​ໃຫ້​ລາຍ​ລະອຽດ​ວ່າ ransomware ໂຕ​ນີ້​ຈະ​ມີ​ຫຼັກ​ການ​ເຮັດ​ວຽກຄ້າຍ​ຄືກັບ Dharma ransomware ໂດຍ​ມີ​ເປົ້າ​ໝາຍ​ການ​ໂຈມ​ຕີ​ຄື​ ທຸລະກິດ​ຕ່າງ​ໆທົ່ວ​ໂລກ


Extended News

ແຈ້ງເຕືອນ  ພົບມັນແວຮຽກຄ່າໄຖ່ “Phobos ransomware” ໂຕໃໝ່

News Images: phobos_ran.jpg

Phobos ປະກົດ​ຕົວ​ຄັ້ງທຳອິດໃນ​ເດືອນ ​ທັນວາ 2018 ທີ່​ຜ່ານມາ ຊຶ່ງ​ນັກ​ວິ​ໄຈທີ່ CoveWare ໄດ້​ໃຫ້​ລາຍ​ລະອຽດ​ວ່າ ransomware ໂຕ​ນີ້​ຈະ​ມີ​ຫຼັກ​ການ​ເຮັດ​ວຽກຄ້າຍ​ຄືກັບ Dharma ransomware ໂດຍ​ມີ​ເປົ້າ​ໝາຍ​ການ​ໂຈມ​ຕີ​ຄື​ ທຸລະກິດ​ຕ່າງ​ໆທົ່ວ​ໂລກ ​ການ​ໂຈມ​ຕີ​ແບບ Phobos ransomware ອາຊະຍາກອນ​ທາງໄຊ​ເບີຈະ​ໃຊ້​ປະໂຫຍດ​ຈາກ RDP Port ທີ່​ເປີດ​ປະໄວ້​ ແລະ ​ມີ​ຄວາມ​ປອດ​ໄພຕ່ຳ ເຮັດໃຫ້​​ຜູ້​ບໍ່​ປະສົງ​ດີລັກລອບ​ເຂົ້າໄປ​ໃນ​ເຄືອ​ຂ່າຍ​ໄດ້ ​ແລະ ​​ໂຈມ​ຕີ​ໂດຍ​ການ​ເຂົ້າ​ລະ​ຫັດ​ໄຟ​ລ໌ ​ແລະ​ ​ຮຽກ​ຄ່າ​ໄຖ່ ໂດຍ​ອ້າງ​ວ່າ​ຖ້າ​ເຫຍື່ອ​ຈ່າຍ​ເປັນ bitcoin ເຖິງ​ຈະ​ກູ້​ຄືນ​ໄຟ​ລ໌​ທີ່​ຖືກ​ເຂົ້າ​ລະ​ຫັດ​ໃຫ້, Phobos ransomware ຈະ​ເຮັດໃຫ້​ໄຟ​ລ໌ໃນ​ເຄື່ອງ​ຂອງ​ເຫຍື່ອ​ຖືກ​ລັອກ​ ແລະ​ ຖືກ​ແກ້​ນາມ​ສະ​ກຸນ​ໄຟ​ລ໌ເປັນ .PHOBOS

ວິທີ​ການ​ປ້ອງ​ກັນ Ransomware

  1. ​ສຳ​ຮອງ​ຂໍ້​ມູນ (Backup) ທີ່​ສຳຄັນ​ໄວ້​ຢູ່​ສະເໝີ ຜູ້ໃຊ້​ງານ​ຄວນ​ສຳ​ຮອງ​ຂໍ້​ມູນ​ລົງ​ເທິງ​ອຸປະກອນ USB Flash Drive, Cloud Storage, External Hard Drive ເປັນ​ຕົ້ນ;
  2. ບໍ່​ດາວ​​ໂຫຼດ​ໄຟ​ລ໌ຈາກ​ອີ​ເມ​ວ ​ຫຼື ​ເວັບ​ໄຊ​​ທີ່​ບໍ່​ໜ້າ​ເຊື່ອ​ຖື;
  3. ອັບ​ເດດ​ລະບົບ​ປະຕິບັດການ ​ແລະ​ ຊ໋ອບແວໃນ​ເຄື່ອງ​ໃຫ້ເປັນ​ເວີ​ຊັ່ນ​ໃໝ່​ ແລະ ​ຄວບ​ຄຸມ RDP Port;
  4. ຕິດ​ຕັ້ງ​ໂປຣ​ແກຣມ​ປ້ອງ​ກັນ​ມັນ​ແວ​/ໄວ​ຣັດ ​ເທິງ​ເຄື່ອງ​ຄອມພິວເຕີ;
  5. ຕິດ​ຕາມ​ຂ່າວ​ສານ​ກ່ຽວກັບ Ransomware.

ເອກະສານອ້າງອີງ: 

  1. https://www.zdnet.com/article/new-phobos-ransomware-exploits-weak-security-to-hit-targets-around-the-world
  2. https://www.facebook.com/isecure.mssp/posts/2313524198658318