ລະວັງໄພ ພົບມັນແວຮຽກຄ່າໄຖ່ ແຜ່ກະຈາຍຜ່ານອີເມວ ໂດຍອ້າງຊື່ ໄວຣັດໂຄໂຣນາ
Posted by Meesaisak on February 03 2020 22:42:45

ລະ​ວັງໄພ ພົບ​ມັນ​ແວ​​ຮຽກ​ຄ່າ​ໄຖ່​ (Ransomware) ແຜ່ກ​ະ​ຈາຍ​ຜ່ານ​ອີ​ເມວ ໂດຍ​ອ້າງ​ຊື່ ​ໄວ​ຣັດ​ໂຄ​ໂຣ​ນາ

News Images: ransomware_corona.jpg

ໃນປັດຈຸບັນ ຖືວ່າຂ່າວເລື່ອງໄວຣັດສາຍພັນໃໝ່ ໂຄໂຣນ ກໍາລັງ ໄດ້ຮັບຄວາມສົນໃຈຈາກທົ່ວໂລກ ລວມທັງ ສປປ ລາວ ກໍ່ເຊັ່ນດຽວກັນ, ສະນັ້​ັນ ຈຶ່ງເຮັດໃຫ້ຜູ້ບໍ່ຫວັງດີ ສວຍໃຊ້ໂອກາດນີ້ ​ໃນ​ການ​ຫຼອກລວງ​ລັກ​ຂໍ້​ມູນ​ ຫຼື ​ແຜ່ກ​ະ​ຈາຍ​ມັນ​ແວ​. ໃນທ້າຍ​ເດືອນ​ ມັງກອນ​ 2020 ມີ​ລາຍ​ງານ ​ການ​ແຜ່ກະ​ຈາຍ​ມັນ​ແວ​​ຮຽກ​ຄ່າ​ໄຖ່ (Ransomware)​ Emotet ໂດຍ​ໃຊ້​ວິທີການ​ສົ່ງ​ອີ​ເມວ​ເລື່ອງ​ໄວ​ຣັດ​ໂຄ​ໂຣນາ​ ພ້ອມ​ກັບ​ແນບ​ໄຟ​ລ໌​ທີ່​ມີ​ມັນ​ແວ​​ (Malware) ມາ​ພ້ອມ.


Extended News

ລະ​ວັງໄພ ພົບ​ມັນ​ແວ​​ຮຽກ​ຄ່າ​ໄຖ່​ (Ransomware) ແຜ່ກ​ະ​ຈາຍ​ຜ່ານ​ອີ​ເມວ ໂດຍ​ອ້າງ​ຊື່ ​ໄວ​ຣັດ​ໂຄ​ໂຣ​ນາ

News Images: ransomware_corona.jpg

ໃນປັດຈຸບັນ ຖືວ່າຂ່າວເລື່ອງໄວຣັດສາຍພັນໃໝ່ ໂຄໂຣນ ກໍາລັງ ໄດ້ຮັບຄວາມສົນໃຈຈາກທົ່ວໂລກ ລວມທັງ ສປປ ລາວ ກໍ່ເຊັ່ນດຽວກັນ, ສະນັ້​ັນ ຈຶ່ງເຮັດໃຫ້ຜູ້ບໍ່ຫວັງດີ ສວຍໃຊ້ໂອກາດນີ້ ​ໃນ​ການ​ຫຼອກລວງ​ລັກ​ຂໍ້​ມູນ​ ຫຼື ​ແຜ່ກ​ະ​ຈາຍ​ມັນ​ແວ​. ໃນທ້າຍ​ເດືອນ​ ມັງກອນ​ 2020 ມີ​ລາຍ​ງານ ​ການ​ແຜ່ກະ​ຈາຍ​ມັນ​ແວ​​ຮຽກ​ຄ່າ​ໄຖ່ (Ransomware)​ Emotet ໂດຍ​ໃຊ້​ວິທີການ​ສົ່ງ​ອີ​ເມວ​ເລື່ອງ​ໄວ​ຣັດ​ໂຄ​ໂຣນາ​ ພ້ອມ​ກັບ​ແນບ​ໄຟ​ລ໌​ທີ່​ມີ​ມັນ​ແວ​​ (Malware) ມາ​ພ້ອມ.

ຜູ້​ໃຊ້​ໃນ​ປະເທດ​ຍີ່​ປຸ່ນ​ແຈ້ງ​ວ່າ​ ໄດ້ຮັບ​ອີ​ເມວ​ທີ່​ອ້າງ​ວ່າ​ ສົ່ງ​ມາ​ຈາກ​ກະ​ຊວງ ​ສາທາລະນະສຸກ​ ມີເນື້ອ​ຫາ​ກ່ຽວກັບ​ການ​ແຜ່ລະ​ບາດ​ຂອງ​ໄວ​ຣັດ​ໂຄ​ໂຣນາ​ ໂດຍ​ອີ​ເມວສະບັບ​ດັ່ງ​ກ່າວ​ແນບ​ໄຟ​ລ໌​ Microsoft Word ມາພ້ອມ​ ຖ້າຫາກ​ເປີດ​ໄຟ​ລ໌​ແນບ​ຈະ​ພົບ​ວ່າ​ມີສະ​ຄຣິບ​ (Script)​ macro ຊຶ່ງຖ້າ​ອະນຸຍາດ​ໃຫ້​ຣັນ (Run) ​ສະຄຣິບ​ດັ່ງ​ກ່າວ​ ມັນ​ແວ​ຮຽກ​ຄ່າ​ໄຖ່​ Emotet ຈະ​ຖືກ​ດາວ​​ໂຫຼດ​ມາ​ຕິດ​ຕັ້ງ​ລົງ​ໃນ​ເຄື່ອງ​ທັນ​ທີ​ ແລະ ​ຍັງ​ຖືກ​ໃຊ້​ສົ່ງ​ອີ​ເມວແຜ່ກ​ະ​ຈາຍ​ມັນ​ແວ​​ຕໍ່ໄປຫາເຄື່ອງ​ອື່ນ​ໆ​ດ້ວຍ​.

ຂໍ້ແນະນໍາໃນການປ້ອງກັນ ແລະ ແກ້ໄຂ 

ເຕັກ​ນິກ​ການ​ໂຈມ​ຕີ​ໃນ​ລັກສະນະ​ນີ້​ ຜູ້​ໃຊ້​ຄວນລະ​ມັດ​ລະ​ວັງ​ໃນການ​ເປີດ​ໄຟ​ລ໌​ແນບ​ ຫຼື ​ຄລິກ​ລິງ​້ຈາກ​ອີ​ເມວ​ທີ່​ໜ້າສົງໄສ, ບໍ່​ຄວນ​ເປີດ​ໃຊ້​ງານ​ macro ໃນ​ Microsoft Office ຫາກ​ບໍ່​ສາມາດຢັ້ງ​ຢືນ​ຄວາມ​ໜ້າ​ເຊື່ອ​ຖື​ຂອງ​ໄຟ​ລ໌​ດັ່ງ​ກ່າວ​, ບໍ່​ຄວນ​ເຂົ້າລະບົບ​ດ້ວຍ​ສິດ​ທິຂອງ​ຜູ້​ເບິ່ງ​ແຍງ​ລະບົບ,​ ສໍາ​ຮອງ​ຂໍ້​ມູນ​ສຳຄັນ,​ ອັບ​ເດດ​ໂປຣແກຣມປ້ອງກັນໄວຣັດ ​ແລະ ​ແພັດ (Patch) ​ຂອງ​ລະບົບ​ປະຕິບັດການ​ ລວມທັງໝັ່ນ​ຕິດ​ຕາມ​ຂ່າວ​ສານ​ດ້ານ​ຄວາມປອດໄພຢ່າງສະໝໍ່າສະເໝີ.

ເອກະສານອ້າງອີງ:

  1. https://www.bleepingcomputer.com/news/security/emotet-uses-coronavirus-scare-to-infect-japanese-targets/
  2. https://exchange.xforce.ibmcloud.com/collection/18f373debc38779065a26f1958dc260b